ዛሬ ቦሪስ ጆንሰን ሥልጣን ተረክበው ካቢኔያቸውን ያሳውቃሉ

ቦሪስ ጆንሰን Image copyright Reuters

ቦሪስ ጆንሰን ዛሬ ከሰዓት የእንግሊዝ ወግ አጥባቂ ፓርቲ መሪ ሆነው ሥራ የሚጀምሩበት ሥነ ሥርዓት ንግሥቲቷ በተገኙበት ይካሄዳል። ሥልጣኑን ከቴሬዛ ሜይ የተረከቡት ቦሪስ አስከትለውም የመንግሥት አስተዳደራቸውን ወደማዋቀር ይገባሉ።

ቦሪስ የካቢኔ አባላት፣ ቻንስለርና የአገር ደህንነት ጸሀፊ ይፋ ያደርጋሉ ተብሎ ይጠበቃል።

ለአዲሱ ጠቅላይ ሚንስትር የቀረቡ ምንጮች እንዳሉት የሚመረጡት ባለሥልጣኖች "የዘመነኛ እንግሊዝ መገለጫ" ይሆናሉ። በካቢኔያቸው ውስጥ የሴቶችን እንዲሁም በዘር ሀረጋቸው ምክንያት ተገልለው የነበሩ ግለሰቦችን ወደ ኃላፊነት ያመጣሉ ተብሎም ይጠበቃል።

ቦሪስ ጆንሰን የዩናይትድ ኪንግደም ቀጣይ ጠቅላይ ሚንስትር ሆኑ

ቦሪስ ጆንሰን ወደ ሥልጣን የመጡት ከተፎካካሪያቸው ጀርሚ ሀንት 66.4 በመቶ የድምፅ ብልጫ ካገኙ በኋላ ነው።

ድል መቀዳጀታቸው ይፋ መሆኑን ተከትሎ፤ በሥልጣን ዘመናቸው ቅድሚያ የሚሰጡት ብሬግዚትን እውን ለማድረግ፣ አገሪቱን ለማዋሀድና የሌበር ፓርቲው ጀርሚ ኮርቢን ለማሸነፍ እንደሆነ ተናገረዋል።

የቀድሞው የለንደን ከንቲባ ቦሪስ ጆንሰን ከንግሥቲቷ የመንግሥት አስተዳደራቸውን የማዋቀር ጥሪ ከተቀበሉ በኋላ ዛሬ ለመጀመሪያ ጊዜ ለሕዝብ ንግግር ያደርጋሉ ተብሎ ይጠበቃል።

ከዚህ ሥነ ሥርዓት በፊት ቴሬዛ ሜይ ከጠቅላይ ሚንስተርነት መልቀቃቸውን በበርኪንግሀም ቤተ መንግሥት በይፋ ይናገራሉ።

ብሬግዚት፡ የቴሬሳ ሜይ ውድቀት ምክንያት

የቦሪስ የፖለቲካ ሕይወት

የቦሪስ የፖለቲካ ሕይወት የተመሰቃቀለ ነው። የሕዝብ እንደራሴዎች አብላጫ ድጋፍ የለውም። ምርጫው የተካሄደው በወግ አጥባቂው ፓርቲ ውሳኔ እንደመሆኑ የሕዝቡን ፍላጎት የጠበቀ ነው ለማለትም አይቻልም።

በአሁን ቅት በርካታ የፖሊሲ ችግሮች አሉ። በብሬግዚት ላይ የአቋም ልዩነት ያለው ፓርቲን ጨምሮ ሌሎችም አገራዊ ችግሮችም አሉ።

ደቡብ ኮሪያና ጃፓን ለሩሲያና ቻይና ምላሽ የጦር ጀት ላኩ

ምንም እንኳን ደጋፊዎች ቢኖሯቸውም ተቃዋሚ ፓርቲዎች ብዙም እምነት አይጥሉባቸውም።

ቦሪስ ስለ ብሬግዚት እቅዳቸው ነገ ፓርላማ ፊት ቀርበው ንግግር ያደርጋሉ ተብሎ ይጠበቃል። ከሕዝብ ተወካዮች የሚቀርቡላቸውን ጥያቄዎችም ይመልሳሉ።

የቢቢሲ የፖለቲካ አርታኢ ላውራ ኩንስበርግ እንደሚሉት፤ ቦሪስ ጆንሰን የሚመርጧቸው የካቢኔ አባላት ፓርቲውን በማዋሀድ ረገድ ቁልፍ ሚና ይኖራቸዋል።

የፍትሕ ሚንስትርን ጨምሮ በተለያዩ መሥሪያ ቤቶች የሚኖረው ለውጥ እየተጠበቀ ነው።

ለቦሪስ የቀረቡ ምንጮች የሚመረጡት የካቢኔ አባላት "በፓርቲው ውስጥ ያለውን ችሎታ የሚያንጸባርቁና የዘመነኛ እንግሊዝ መገለጫ" ይሆናሉ ብለዋል።