Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

ቀጥታ ዘገባ

የተጠቀሱት ሰዓቶቸ የዩናይትድ ኪንግደም ናቸዉ

  1. በአቡ ዳቢ የሚገኙ ህንጻዎች በኢትዮጵያ ሰንደቅ ዓላማ ደምቀዋል

    በአቡ ዳቢ የሚገኙ ህንጻዎች በኢትዮጵያ ሰንደቅ ዓላማ ደምቀዋል
    Image caption: በአቡ ዳቢ የሚገኙ ህንጻዎች በኢትዮጵያ ሰንደቅ ዓላማ ደምቀዋል

    የጠቅላይ ሚንስትር ዐብይ አሕመድን የኖቤል የሰላም ሽልማት ማሸነፍን በማስመልከት የተባበሩት አረብ ኤሜሬቶች መዲና በሆነችው አቡ ዳቢ ከተማ የሚገኙ ህንጻዎች በኢትዮጵያ ሰንደቅ ዓላማ ደምቀው ታይተዋል።

    በተባበሩት አረብ ኤሜሬቶች የኢትዮጵያ አምባሳደር የሆኑት ሱሌይማን ደደፎ በማህበራዊ ገጻቸው ላይ “አቡ ዳቢ የጠቅላይ ሚንስትር ዐብይ የኖቤል ሽልማትን እንዲህ እያከበረች ነው” ሲሉ በኢትዮጵያ ሰንደቅ ዓላማ ቀለማት የደመቁ የአቡ ዳቢ ህንጻዎቸን የሚያሳዩ ተንቀሳቃሽ ምስሎችን ለጥፈዋል።

    የጠቅላይ ሚንስትር ዐብይን እና የልዑል አልጋ ወራሽ ሞሐመድ ቢን ዛይድን ምስል የሚያሳይ ፎቶግራፍም በአንዱ ህንጻው ላይ ታይቷል።
    Image caption: የጠቅላይ ሚንስትር ዐብይን እና የልዑል አልጋ ወራሽ ሞሐመድ ቢን ዛይድን ምስል የሚያሳይ ፎቶግራፍም በአንዱ ህንጻው ላይ ታይቷል።

    በአንዱ ህንጻ ላይ በእንግሊዘኛ“የኢትዮጵያ ጠቅላይ ሚንስትር ዐብይ አህምድ የ2019 የኖቤል የሰላም ሽልማት አሸናፊ በመሆነዎ አንኳን ደስ ያልዎ” የሚል መልዕክት ይታያል።

    የጠቅላይ ሚንስትር ዐብይን እና የልዑል አልጋ ወራሽ ሞሐመድ ቢን ዛይድን ምስል የሚያሳይ ፎቶግራፍም በህንጻው ላይ ይታያል።

    የተባበሩት አረብ ኤሚሬቶች ልዑል አልጋ ወራሽ ከሰዓታት በፊት በአማርኛ “ጓደኛዬ ጠቅላይ ሚንስትር ዐብይ አሕመድ የኖቤል ሽልማትን በማሸነፍህ የተሰማኝን ደስታና ጥልቅ ስሜት ለመግለጽ እወዳለሁ። . . . ጠቅላይ ሚንስትሩ ሽልማቱ ይገባዋል።” ሲሉ ትዊተር ገጻቸው ላይ አስፍረው ነበር።

    View more on twitter
  2. የኖቤል ሽልማትን ያገኙ አፍሪካውያን

    በተለያዩ ዘርፎች የኖቤል ሽልማትን የወሰዱ አፍሪካውያን ዝርዝር።

    ደቡብ አፍሪካውያን 10 የኖቤል ሽልማትን በመውሰድ ግንባር ቀደም ናቸው።

    የኖቤል ሽልማትን ያገኙ አፍሪካውያን
  3. "ይህ ሽልማት የኢትዮጵያ እና የአፍሪካ ነው"

    ጠቅላይ ሚንስትር ዐብይ፡ "ይህ ሽልማት የኢትዮጵያ እና የአፍሪካ ነው"

    View more on twitter

    ጠቅላይ ሚንሰትር ዐብይ አሕመድ በትዊተር ገጻቸው ላይ "በኖርዌዬ የኖቤል ኮሚቴ ውሳኔ ተደስቻለሁ። ለሰላም ለሚሰሩ እና ለሚተጉ በሙሉ የከበረ ምስጋናዬን አቀርባለሁ። ይህ ሽልማት የኢትዮጵያ እና የአፍሪካ ነው።" ሲሉ አስፍረዋል።

  4. የሰላም ኖቤል ሽልማት ማግኘት የቻሉ አፍሪቃውያን

    PM Abiy Ahmed

    ጠቅላይ ሚኒስትር አብይ አሕመድ 12ኛው አፍሪቃዊው የሰለም ኖቤል ሽልማት ተሸላሚ ሆነዋል።

    ለ100ኛ ጊዜ በተሰጠው ሽልማት 107 ሰዎች እንዲሁም 27 ድርጅቶች ተሸላሚ መሆን ችለዋል።

    ከዚህ በፊት የሰላም ኖቤል ሽልማት ማግኘት የቻሉ አፍሪቃውያን የሚከተሉት ናቸው።

    1. 2018 - ዴኒስ ሙክዌጌ - ኮንጎ ዴሞክራቲክ ሪፐብሊክ
    2. 2015 - ናሽናይ ዳያሎግ ኳርቴት - ቱኒዚያ
    3. 2011 - ኤለን ጆንሰን ሰርሊፍ እና ሌይማህ ግቦዊ - ላይቤሪያ
    4. 2005 - ሞሐመድ ኤል ባራዲ - ግብፅ
    5. 2004 - ዋንጋሪ ማታይ -ኬንያ
    6. 2001 - ኮፊ አናን - ጋና
    7. 1993 - ኔልሰን ማንዴላ እና ኤፍ ደብልዩ ደ ክለርክ - ደቡብ አፍሪቃ
    8. 1984 - ዴዝሞንድ ቱቱ - ደቡብ አፍሪቃ
    9. 1978 - አንዋር አል-ሳዳት - ግብፅ
    10. 1960 - አልበርት ሉቱሊ = ደቡብ አፍሪቃ
  5. የኖቤል የሠላም ሽልማት በናይሮቢው የተባበሩት መንግሥታት ስብሰባ ላይ የፈጠረው ስሜት

    የኖቤል የሠላም ሽልማት በናይሮቢው የተባበሩት መንግሥታት ስብሰባ ላይ

    ዛሬ አራተኛ ቀኑን የያዘው የተባበሩት መንግሥታት ድርጅት የአካባቢ ፕሮግራም ዓመታዊ ስብሰባ ናይሮቢ ውስጥ እየተካሄደ ባለበት ወቅት ጠቅላይ ሚኒስርት ዐብይ የኖቤል የሠላም ሽልማትን ማሸነፋቸው ሲሰማ አዳራሹ ውስጥ የነበረው ስሜት የተለየ ነበር።

    የስብሰባው ታዳሚዎች በቦታው ወደሚገኙት የኢትዮጵያ ተወካዮች በመሄድ የእንኳን ደስ አላችሁ መልዕክት ሲያስተላልፉ ነበር። “የስብሰባውም መንፈስ የኢትዮጵያዊያን ብቻ ሳይሆን የአፍሪካዊያን ደስታ በሆነው በዚህ ስኬት በደስታ ተውጦ ነበር” ብለዋል አምባሳደር መለስ ዓለም ለቢቢሲ።

    ጠቅላይ ሚኒስትር ዐብይ የሽልማቱ አሸናፊ መሆናቸው ሲሰማ ኢትዮጵያን ወክለው በስፍራው ተገኝተው የነበሩት በኬንያ የኢትዮጵያ አምባሳደር መለስ ዓለም በመድረኩ ላይ “ይህ ሽልማት በጠቅላይ ሚኒስትር ዐብይ አመራር ኢትዮጵያ ለራሷና ለአካባቢው አገራት ለምታደርገው የሰላም ጥርት የተሰጠ እውቅና ነው” ብለዋል።

    የተለያዩ አገራትን ወክለው በስብሰባው ላይ የተሳተፉ “በአካባቢው አገራት መካከል እያደረገችው ባለው ስኬታማ የሠላም ጥረት ኢትዮጵያ እንደ አገር ጠቅላይ ሚኒስትሩ ደግሞ እንደ ግለሰብ ሽልማቱ ይገባቸዋል” ሲሉ አድናቆታቸውን እንደገለጹ አምባሳደሩ ተናግረዋል።

    የሽልማቱ ዜና በአዳራሹ ውስጥ በተሰማ ጊዜ ተሳታፊዎቹ በሙሉ በከፍተኛ ድምጽ የተሰማቸውን ደስታ የገለጹ ሲሆን ቀሪው የስብሰባ ጊዜም በጠቅላይ ሚኒስትር ዐብይ የሽልማት ድል ድባብ ውስጥ ሆኖ ነበር የተካሄደው ብለዋል አምባሳደር መለስ ዓለም።

    በኬንያ የኢትዮጵያ አምባሳደር መለስ አለም
  6. ዓለማቀፍ ድርጅቶች፣ አምባሳደሮችና ታዋቂ ሰዎች ለጠቅላይ ሚኒስትር ዐብይ አህመድ የእንኳን ደስ አለዎት መልእክታቸውን እያስተላለፉ ነው።

    View more on twitter
    View more on twitter
    View more on twitter
    View more on twitter
    View more on twitter
  7. የጠቅላይ ሚንስትር ጽ/ቤት መግለጫ

    View more on facebook

    የጠቅላይ ሚንሰትሩ ጽ/ቤት ጠቅላይ ሚንስትር ዐብይ የ2019 የኖቤል ሽልማት አሸናፊ በመሆናቸው ኩራት ተሰምቶናል ብሏል።

    የጠቅላይ ሚንሰትሩ ጽ/ቤት ከኖቤል ሽልማት ጋር ተያይዞ መግለጫ ለመስጠት ጋዜጠኞችን ከሰዓት 9 ሰዓት ላይ ጠርቷል።

  8. ሽልማቱ የጠቅለይ ሚንስትር ዐብይ ብቻ ሳይሆን የመላው ኢትዮጵያዊያን ነው

    ሽልማቱ የጠቅለይ ሚንስትር ዐብይ ብቻ ሳይሆን የመላው ኢትዮጵያዊያን ነው፡ ኢ/ር ታከለ ኡማ

    View more on facebook

    የአዲስ አበባ ከተማ ምክትል ከንቲባ ኢ/ር ታከለ ኡማ ጠቅላይ ሚኒስተር ዐብይ አህመድ የ2019 የኖቤል ሰላም ሽልማት አሸናፊ መሆናቸውን ተከትሎ የእንኳን ደስ ደስ ያለህ መልዕክታቸውን አስተላልፈዋል።

    ኢ/ር ታከለ ሽልማቱ የጠቅላይ ሚኒስተር ዐብይ አህመድ የሰላም ፣ የይቅርታ እና የእርቅ ስራ ፍሬ ነው ያሉ ሲሆን፤ ሽልማቱ የጠቅላይ ሚንስትር ዐብይ ብቻ ሳይሆን የሁሉም ኢትዮጵያዊያን ሽልማት ስለሆነ ሁላችንንም እንኳን ደስ ያለን ብለዋል።

    ምንጭ፡ የአዲስ አበባ ከተማ ከንቲባ ጽ/ቤት

  9. ጠቅላይ ሚኒስትር ዐቢይ ከኖቤል ኮሚቴው ፀሐፊ ጋር በስልክ ተነጋገሩ

    ጠቅላይ ሚኒስትር ዐብይ ሽልማቱ ለኢትዮጵያ ብቻ ሳይሆን ለአፍሪካም የተበረከተ መሆኑን ተናግረዋል

    View more on twitter

    ጠቅላይ ሚኒስትር ዐብይ ከኖቤል የሠላም ሽልማት ኮሚቴ ፀሐፊ ጋር ስለሽልማቱ በስልክ ያደረጉት ውይይት።

    ጠቅላይ ሚኒስትሩ ስለ ሽልማቱ ሲሰሙ የተሰማቸውን ጥልቅ ደስታ ገልፀው ሽልማቱ ለአፍሪካ በመሰጠቱ ምስጋና አቅርበዋል። ሌሎች የአፍሪካ መሪዎች ይህንን ዜና ሲሰሙ በአህጉሪቱ በሰላም ግንባታ ሂደት ላይ በአዎንታዊ መልኩ እንደሚቀበሉት ይሰማኛል ሲሉ ተናግረዋል።

  10. "እንኳን ደስ አለሽ እናት አገር ኢትዮጵያ!" ፕሬዝዳንት ሣህለ ወርቅ ዘውዴ

    "እንኳን ደስ አለሽ እናት አገር ኢትዮጵያ!" ፕሬዝዳንት ሣህለ ወርቅ ዘውዴ በቲውተር ገፃቸው ላይ ያስተላለፉት መልዕክት

    ጠቅላይ ሚኒስትራችን ዶ/ር ዐብይ አህመድ የ2019 የኖቤል ሠላም ሽልማትን አገኙ!

    እንኳን ደስ አለዎት! እንኳን ደስ አለሽ እናት አገር ኢትዮጵያ!

    በአገራችን አራቱ ማዕዘን በዓለም ዙርያ የምትኖሩ የዚች የተባረከች አገር ልጆች ሁሉ እንኳን ደስ አላችሁ!

    View more on twitter
  11. የአፍሪካ ሕብረት ዋና ፀሀፊ ሙሳ ፋኪ ማሀማት የተሰማቸውን ኩራት ገለፁ

    የአፍሪካ ሕብረት ዋና ፀሀፊ ሙሳ ፋኪ ማሀማት መልዕክት

    የአፍሪካ ሕብረት ዋና ፀሀፊ ሙሳ ፋኪ ማሀማት ጠቅላይ ሚኒስትር ዐብይ አህመድ የኖቤል ሠላም ሽልማትን በማግኘታቸው የተሰማቸውን ኩራት ገለፁ።

    ዋና ፀሀፊው በቲውተር ገፃቸው ላይ ባስተላለፉት የእንኳን ደስ አለዎት መልዕክት ላይ የጠቅላይ ሚኒስትሩ "ታሪካዊ የሰላም ግንባታ ጥረት ዓለም ከመቼውም ጊዜ በላይ አገልጋይ መሪ በምትፈልግበት ጊዜ የተገኘና ለዓለም ተስፋ የሰጠ ነው" ብለዋል።

    አክለውም "100ኛው የኖቤል ሠላም ሽልማት ተሸላሚ በመሆንዎ እንኳን ደስ አለዎ" ብለዋል።

    View more on twitter
  12. ጠ/ሚር ዐቢይ አሕመድ የ2012 ኖቤል ሰላም ሎሬት ሆነው መመረጣቸውን ተከትሎ ጽህፈት ቤታቸው ምን አለ?

    ጠ/ሚር ዐቢይ አሕመድ የ2012 ኖቤል ሰላም ሎሬት ሆነው መመረጣቸውን ተከትሎ ጽህፈት ቤታቸው ምን አለ?

    ጠ/ሚር ዐቢይ አሕመድ የ2012 ኖቤል ሰላም ሎሬት ሆነው መመረጣቸውን ተከትሎ የጽህፈት ቤታቸው ሙሉ ቃል

    View more on facebook
  13. አምነስቲ ኢንትርናሽናል በኖቤል የሠላም ሽልማት ላይ

    አምነስቲ ጠቅላይ ሚኒስትሩ የጀመሩትን ለውጥ አጠንክረው እንዲቀጥሉ ጠየቀ

    ለኢትዮጵያ ጠቅላይ ሚኒስትር ዐብይ አህመድ የዘንድሮውን የኖቤል ሠላም ሽልማት ተጨማሪ የሰብአዊ መብት ለውጦችን እንዲያደርጉ ሊያተጋቸው እንደሚገባ የአምነስቲ ኢንተርናሽናል ዋና ጸሐፊ ኩሚ ናይዱ ተናገሩ።

    “ይህ ሽልማት ጠቅላይ ሚኒስትር ዐብይ በኢትዮጵያ ለሁለት አስርታት ከዘለቀው ጭቆና በኋላ መብቶችን ለማክበር ለወሰዷቸው ወሳኝ የለውጥ እርምጃዎች እውቅና የሚሰጥ ነው” ሲሉ ዋና ጸሐፊው ተናግረዋል።

    ጠቅላይ ሚኒስትሩ እያካሄዱ ያሉትን ለውጦችና ከኤርትራ ጋር የደረሱትን ስምምነት እንዲሁም በሱዳን ተቀናቃኝ ወገኖች መካከል ሠላም በማውረድ በኩል የተወጡትን ሚና አድንቀዋል።

    አክለውም “የጠቅላይ ሚኒስትሩ ሥራ ገና አላለቀም፤ ይህ ሽልማትም የጀመሩት ለውጥ እንዳይቀለበስ የቀሩትን ሥራዎች በማከናወን የሰብአዊ መብቶች መከበርን ስጋት ላይ የሚጥሉ ሁኔታዎችን ለማስወገድ ሊያበረታቸው ይገባል” ብለዋል።

    ዋና ጸሐፊው ኩሚ ናይዱ ሲያጠቃልሉም የኖቤል የሠላም ሽልማቱን መርሆች ተግባራዊ በማድረግ “በሃገራቸው፣ በአካባቢያቸውና በዓለም ላይ ዘላቂ የሰብአዊ መብት ቅርስ” ጥለው ማለፍ እንደሚጠበቅባቸው ተናግረዋል።

    ጠቅላይ ሚኒስትር ዐብይ አህመድ
  14. "በሀገሪቱ ያለውን የብሔር ፖለቲካ ውጥረትና የተፈናቀሉ ሰዎችን ችግር እንደሚፈቱ ባለ ተስፋ ነን" የኖርዌይ ስደተኞች ካውንስል

    "በሀገሪቱ ያለውን የብሄር ፖለቲካ ውጥረትና የተፈናቀሉ ሰዎችን ችግር እንደሚፈቱ ተስፈኞች ነን" የኖርዌይ ስደተኞች ካውንስል

    ጠቅላይ ሚኒስትር ዐብይ አህመድ የ2019 የኖቤል ሠላም ሽልማት አሸናፊ መሆናቸውን ተከትሎ በርካታ የዓለም መሪዎችና ዓለም አቀፍ ድርጅቶች የእንኳን ደስ አለዎት መልዕክታቸውን እያስተላለፉ ነው።

    የኖርዌይ ስደተኞች ካውንስል ዋና ጸሀፊ ጃን ኢግላንድ ጠቅላይ ሚኒስትሩ ባገኙት ሽልማት እጅግ መደሰታቸውን በመግለጽ ለወደፊቱ ሰላምን ለማስጠበቅ ጠንክረው እንዲሰሩ መልዕክታቸውን አስተላልፈዋል።

    ‘’ድርጅታችን በኢትዮጵያና በኤርትራ ከስደተኞች ጋር ከሚሰሩ ጥቂት ድርጅቶች መካከል አንዱ እንደመሆኑ የጠቅላይ ሚኒስትሩን ለውጦች የመታዘብ እድል አግኝቷል። በሁለቱ ሃገራት መካከል የተደረሰው የሰላም ስምምነት ምን ያክል መረጋጋትን እንዳመጣ ተመልክተናል‘’ ብለዋል ዋና ጸሃፊው።

    ጠቅላይ ሚኒስትር ዐብይ አህመድ አሁን ያገኙትን የኖቤል ሠላም ሽልማት እንደ ትልቅ ማበረታቻ ወስደው በሀገሪቱ ያለውን የብሔር ፖለቲካ ውጥረትና የተፈናቀሉ ሰዎችን ችግር እንደሚፈቱ ተስፋ አለኝ ሲሉም ዋና ጸሃፊው መልዕክታቸውን አስተላልፈዋል።

    የኖርዌይ ስደተኞች ካውንስል ዋና ጸሀፊ ጃን ኢግላንድ
  15. ከዚህ ቀደም የኖቤል ሽልማት ያሸነፉ አፍሪካውያን እነማን ናቸው?

    ከዚህ ቀደም የኖቤል ሽልማት ያሸነፉ አፍሪካውያን እነማን ናቸው?

    የመጀመሪያው አፍሪካዊ የኖቤል አሸናፊ መሆን የቻሉት ደቡብ አፍሪካዊው ማክስ ቴለር ናቸው። ያሸነፉትም እኤአ በ1951 ሲሆን ሽልማቱን ያገኙትም በህክምና ዘርፍ ነበር።

    እኤአ 1960 በሰላም ዘርፍ የኖቤል አሸናፊ የመጀመሪያው ጥቁር አፍሪካዊ በመሆን ታሪክ የሰሩት ደግሞ ደቡብ አፍሪካዊው አልበርት ሉቱሊ ናቸው።

    የግብጹ አንዋር ኤል ሳዳትም በ1978 የኖቤል ሰላም ሽልማት አሸናፊ ሆነው ነበር። በመቀጠል አላን ኮርማክ፣ አሮን ክሉግና ዴዝሞንድ ቱቱ ሶስቱም ከደቡብ አፍሪካ በህክምና፣ ኬሚስትሪና በሰላም ዘርፎች የኖቤል አሸናፊዎች ነበሩ።

    ናይጄሪያዊው ወሌ ሶዪንካ፣ ናጉብ ማህፉዝ ከግብጽ እንዲሁም ደቡብ አፍሪካዊቷ ናዲን ጎርዲመር በሥነ ጽሁፍ ዘርፍ ያሸነፉ ሲሆን የደቡብ አፍሪካው ፕሬዝዳንት ኔልሰን ማንዴላና ሌላኛው ደቡብ አፍሪካዊ ዴ ክለርክ የኖቤል የሰላም ተሸላሚ ሆነዋል።

    የግብጹ አህመድ ዛዋይል በኬሚስትሪ ፣ ጋናዊው ኮፊ አናን በሰላም እንዲሁም ደቡብ አፍሪካውያኑ ሲድኒ ብሬነርና ጄኤም ኮዊትዝ በህክምናና በሥነ ጽሁፍ የኖቤል ሽልማትን አሸንፈዋል።

    ኬንያዊቷ ዋንጋሪ ሙታይ፣ ግብጻዊው ሞሀመድ ኤል ባራዲ፣ ላይቤሪያውያኑ ኤለን ጆንሰን ሰርሊፍ እና ሌይማህ ግቦዊ በሰላም ዘርፍ እስከ አውሮፓውያኑ 2011 ድረስ ያሸነፉ አፍሪካውያን ናቸው።

    በቅርቡ በ 2018 የዴሞክራቲክ ሪፐብሊክ ኮንጎው ዴኒስ ሙክዌጌ በሰላም ዘርፍ ተሸላሚ የነበሩ ሲሆን በ2019 የኖቤል ሰላም አሸናፊ ደግሞ ኢትዮጵያዊው ጠቅላይ ሚኒስትር ዐብይ አህመድ ሆነዋል።

    ጠቅላይ ሚኒስትር ዐቢይ አህመድ
  16. የኢትዮ ኤርትራን አለመግባባት በመፍታታቸው የተሰጠ እውቅና

    የኢትዮ ኤርትራን አለመግባባት በመፍታታቸው የተሰጠ እውቅና

    ጠቅላይ ሚኒስትር ዐቢይ፣ ኢትዮጵያ ከ20 ዓመት በላይ ከኤርትራ ጋር ገብታ የነበረውን ቁርሾ በሰላም በመቋጨታቸው የኖቤል ሽልማቱ እንደተሰጣቸው የኖቤል ኮሚቴው መመረጣቸውን ይፋ ባደረገበት ወቅት ገልጿል።

    በኖርዊጂያን የኖቤል ኮሚቴ የሚሰጠው የኖቤል የሰላም ሽልማት ከሚያሰጠው ከፍ ያለ እውቅና ባሻገር 900 ሺ ዶላር

    እንደሚያሸልምም ታውቋል።

    የኖቤል ሰላም ሽልማት ኮሚቴ ሊቀመንበር
  17. ጠቅላይ ሚኒስትር ዐቢይ የኖቤል የሠላም ሽልማት በማሸነፋቸው የተሰማቸውን ደስታ ገለፁ

    ጠቅላይ ሚኒስትር ዐቢይ የኖቤል ሠላም ሽልማት በማሸነፋቸው የተሰማቸውን ደስታ ገለፁ

    ጠቅላይ ሚኒስትር ዐቢይ የኖቤል የሠላም ተሸላሚ መሆናቸው በተሰማ በጥቂት ደቂቃዎች ውስጥ ከጽሕፈት ቤታቸው የወጣው መግለጫ እንደሚያሳየው የተሰጣቸው እውቅና በዋናነት ለሚያራምዱት የመደመር ዕሳቤ የተሰጠ ዓለም አቀፋዊ ዕውቅና መሆኑን ገልፀዋል።

    ዕውቅናውንም የመላው ኢትዮጵያዊያን የጋራ ድል ነው ሲሉ ገልፀውታል።

  18. ከጠቅላይ ሚኒስትር ዐቢይ ሌላ እነማን ታጭተው ነበር?

    ከጠቅላይ ሚኒስትር ዐቢይ ሌላ እነማን ታጭተው ነበር?

    የአየር ንብረት ለውጥ መብት ተሟጋች የሆነችው ስዊድናዊቷ የ16 ዓመትታዳጊ፣ ግሬታ ተንበርግ ከፍተኛ ግምት ከተሰጣቸው መካከል ነበረች።

    የኖቤል ሽልማት በየዓመቱ በፊዚክስ፣ ኬሚስትሪ፣ ሕክምና፣ ሥነ ጽሑፍና ሰላም ዘርፎች ይሰጣል።

    ሽልማቱ የሚሰጠው ባለፉት 12 ወራት “ለሰው ልጅ የበለጠ አበርክቶ” የሚያደርጉ ነገሮችን ላከናወኑ ግለሰቦች ወይም ድርጅቶች ነው።

    ኖቤል የሚለው ስያሜ የተወሰደው ከሲውዲናዊ ነጋዴ እና የድማሚት ፈጣሪ አልፍሬድ ኖቤል ነው።

    ለመጀመሪያ ጊዜ ሽልማቱ መሰጠት የጀመረው እኤአ በ1901 ግለሰቡ በለገሰው ገንዘብ ነው ።

  19. ጠቅላይ ሚኒስትር ዐቢይ የ2019 የኖቤል የሰላም ሽልማት አሸናፊ ሆኑ

    ጠቅላይ ሚኒስትር ዐቢይ የ2019 የኖቤል የሰላም ሽልማት አሸናፊ ሆኑ

    የኖቤል የሰላም ሽልማትን የሚያሸንፉ ግለሰቦች ወይም ድርጅቶች 900 ሺ ዶላር የሚሰጣቸው ሲሆን ጠቅላይ ሚኒስትር ዐብይ አህመድ በመጪው ታህሳስ ወር በኦስሎ ሽልማታቸውን ይወስዳሉ። በአጠቃላይ 301 እጩዎች ለዚህ ታላቅ ክብር ታጭተው የነበረ ሲሆን ከነዚህ መካከል 223 ግለሰቦችና 78 ድርጅቶች ይገኙበታል።

    ጠቅላይ ሚኒስትር ዐቢይ