የተማሪዎቹ ውሎና አዳር

የባህር ዳር ዩኒቨርሲቲ የምህንድስና ተማሪዎች Image copyright የባህር ዳር ዩኒቨርሲቲ የምህንድስና ተማሪ
አጭር የምስል መግለጫ የባህር ዳር ዩኒቨርሲቲ የምህንድስና ተማሪዎች ምሽቱን በቅዱስ ጊዮርጊስ ቤተ ክርስቲያን

የባህር ዳር ዩኒቨርሲቲ የምህንድስና ተማሪዎች ዛሬም አዲስ ነገር የለም ይላሉ። የተቋሙ አመራሮችም የተቀየረ ነገር የለም ብለዋል።

ዛሬ በስልክ ያነጋገርናቸው የባህር ዳር ዩኒቨርሲቲ የምህንድስና የ4ኛ ዓመት ተማሪዎች በሃገር ውስጥ የመገናኛ ብዙሃን ጥያቄያችን ምላሽ እንዳገኘ ተደርጎ እንደተዘገበው ሳይሆን ምንም የተፈጠረ አዲስ ነገር የለም፤ ከዩኒቨርሲቲውም በኩል የሰማነው የለም ብለዋል።

ትናንት በሰራነው ዘገባ ላይ ያነጋገርናቸው የባህር ዳር ዩኒቨርሲቲ የቴክኖሎጂ ኢንስቲትዩት ሳይንቲፊክ ዳይሬክተር የሆኑት ዶ/ር ንጉስ ጋቢዬ በማህበራዊ ሚዲያ ላይ የተሰራጨውን ዜና እንደተመለከቱት ነገር ግን በዩኒቨርሲቲው በኩል እስካሁን ድረስ ምንም የተለወጠ ነገር እንደሌለ ነግረውናል።

የባህር ዳር ዩኒቨርሲቲ ከ1400 በላይ ተማሪዎችን ከግቢው አስወጣ

Image copyright የባህር ዳር ዩኒቨርሲቲ የምህንድስና ተማሪ
አጭር የምስል መግለጫ ተማሪዎቹ ውሎ እና አዳራችን ቤተ ክርስቲያን ውስጥ ነው ይላሉ

የተማሪዎቹ ውሎ እና አዳር

ከዩኒቨርሲቲው ቅጥር ግቢ ከወጡ ሦስት ቀናትን ያሳለፉት ተማሪዎች አብዛኞቹ አዳራቸውን በቤተክርሰቲያን ግቢ ውስጥ አድርገዋል።

ተማሪዎቹ እንደነገሩን ''ብዙዎቻችን ማክሰኞ ምሽትን በጊዮርጊስ ቤተክርሰቲያ ግቢ ውስጥ እና አዳራሽ ውስጥ ሸራ አንጥፈን በመተኛት ነው ያሳለፈነው'' ብለዋል። አቅም ያለው ተማሪ አልጋ ተከራይቶ፣ ሌሎች ደግሞ በከተማው ነዋሪዎች ቤት እና በዩኒቨርሲቲ መምህራን ቤት ተጠልለው እንደሚገኙ ነገርውናል።

Image copyright የባህር ዳር ዩኒቨርሲቲ የምህንድስና ተማሪ
አጭር የምስል መግለጫ የከተማው ነዋሪዎች ምግብ ሲያዘጋጁ

በምግብ በኩልም የከተማዋ ነዋሪዎች የገንዘብ መዋጮ አሰባስበው በጎ ፈቃደኛ ግለሰቦችን በማስተባበር እያበሰሉ እየመገቧቸው መሆኑን ተናግረዋል።

ተያያዥ ርዕሶች

በዚህ ዘገባ ላይ ተጨማሪ መረጃ