ሳዑዲ ከየመን የየተኮሰ ሚሳዔል ማክሸፏን አስታወቀች

የመን ወደ ሳዑዲ ሚሳዔል ተኮሰች Image copyright ALMASIRAH

የየመን አማፂ ቡድን ወደ ሳዑዲ ከተማ ሪያድ የተኮሰው ሚሳዔል ተመቶ መወደቁ ተሰምቷል።

የዓይን እማኞች በሳዑዲ አረቢያ ዋና ከተማ ሰማይ ላይ የታየውን ጭስ በተንቀሳቃሽ ስልካቸው በመቅረፅ በማሕበራዊ ሚዲያ ላይ አሰራጭተዋል።

የሁቲ አማፂ ቡድን ቴሌቪዥን ጣቢያ የሆነው አል-ማሲራህ እንዳስታወቀው ታጣቂዎቹ ወደ ሳዑዲ ምድር 'በርካን-2' የተባለ ሚሳዔል አስወንጭፈዋል።

ባለፈው ወር ሪያድ ላይ ተመሳሳይ የሚሳዔል ጥቃት ሙከራ ተደርጎ መክሸፉ ይታወቃል።

ሳዑዲ አረቢያና አሜሪካ ኢራንን ለሁቲ ታጣቂዎች የጦር መሣሪያ እያቀረበች ነው ሲሉ ይወቅሳሉ።

ኢራን በበኩሏ ከ2015 ጅምሮ በሳዑዲ የሚመራውን ጥምር ቡድን እየተፋለመ ያለውን የየመን ታጣቂ ቡድን አልደገፍኩም ስትል ወቀሳውን ታጣላለች።

ሚሳዔሉ በሪያድ አል-ያማማ ቤተ-መንግሥት ስበሰባ ላይ የነበሩትን የሳዑዲ ገዢ መደብ መሪዎች ኢላማ ያደረገ እንደበርም ማወቅ ተችሏል።

ቤተ-መንግሥቱ የሳዑዲ ንጉሥ ቢሮና የንጉሣዊ ቤተሰብ ፍርድ ቤት ሆኖ እያገለገለ እንዳለም ይታወቃል።

ታጣቂ ቡድኑ ሚሳዔል መተኮሱን ካስታወቀ ጥቂት ደቂቃዎች በኋላ የሳዑዲ መንግሥት ቴሌቪዥን ጣቢያ የሆነው አል-ኢክባሪያ ወደ ሪያድ እያመራ የነበረው ሚሳኤል ተመቶ መውደቁን ዘግቧል።

በማሕበራዊ ሚድያ የተሰራጩ ፎቶዎችና ተንቀሳቃሽ ምስሎች የሪያድ ሰማይ ተመቶ ከወደቀው ሚሳዔል በወጣ ጭስ ታፍኖ እንደነበር አሳይተዋል።

በዚህ ዘገባ ላይ ተጨማሪ መረጃ