የላውሮ የፕሪሚየር ሊግ ጨዋታዎች ግምት

Man City v Man Utd Image copyright BBC Sport

እሑድ ወደ ኢትሃድ የሚያቀኑት ማንቸስተር ዩናይትዶች ከጎረቤታቸው ማንቸስተር ሲቲ ጋር በሚያደርጉት ጨዋታ የማሸነፍ ግምት አልተሰጣቸውም። ግን ማን ያሸንፋል?

"ማንቸስተር ዩናይትዶች ውጤታማ መሆን ጀምረዋል" ይላል የቢቢሲው የእግር ኳስ ተንታኝ ማርክ ላውረንሰን። "ባለፉት ሁለት ጨዋታዎች በርንማውዝን እና ጁቬንቱስን እንዴት እንዳሸነፉ ማየት ይቻላል።"

"ባለቀ ሰዓት ጎሎችን በማስቆጠር ማሸነፍ ለቡድኑ ጥንካሬን ሲሰጥ ለተቃራኒ ቡድን ደግሞ ስጋት ነው።"

"አዎ ማንቸስተር ሲቲዎች እንደሚያሸንፉ ይገመታል። ሆኖም በቀላሉ የሚሳካ ዓይነት አይመስለኝም።"

የላውሮ ግምቶች

ቅዳሜ

Image copyright BBC Sport

ካርዲፍ ከብራይተን

ዘንድሮ ካርዲፍ ያሸንፋል ብዬ ግምቴን አላስቀመጥኩም። በሜዳቸው በማጥቃት ለመጫወት የሚፈልጉ ሲሆን ቅዳሜም ይህንኑ ይከተላሉ።

ብራይተኖች ወደ ኒውካስል በማቅናት ቢያሸነፉም ከሜዳቸው ውጭ ሲጫወቱ ውጤታማ አይደሉም።

የላውሮ ግምት: 1-0

Image copyright BBC Sport

ሃደርስፊልድ ከዌስትሃም

ሃደርስፊልዶች በዘንድሮው የውድድር ዓመት መጀመሪያ ድላቸውን ሰኞ ዕለት ካስመዘገቡ በኋላ በራስ መተማመናቸው ከፍተኛ ነው።

ዌስትሃሞች አንዴ ሞቅ ሌላ ጊዜ ደግሞ ቀዝቀዝ ስለሚሉ ለመገመት ያዳግታሉ። በጨዋታው ብዙ ጎሎች ይቆጠራሉ ብዬ አላስብም።

የላውሮ ግምት: 1-1

ቢቢሲ ከእንግሊዝ ቀጥሎ ግዙፉን ቢሮውን አስመረቀ

Image copyright BBC Sport

ሌስተር ከበርንሌይ

የሌስተር ባለቤት እና ሌሎች አራት ሰዎች ህይወታቸው ካጡ በኋላ በኪንግ ፓወር ስታዲየም የሚደረግ የመጀመሪያ ጨዋታ ነው።

ለመጀመሪያ ጊዜ ደጋፊዎች እና ተጫዋቾቹ በጋራ የሚገናኙበት ሲሆን ሽንፈትን ማስተናገድ የማይቀበሉበት ጨዋታውም ነው።

የላውሮ ግምት: 2-1

Image copyright BBC Sport

ኒውካስል ከበርንማውዝ

ኒውካስሎች ጫና የቀነሰላቸውን የመጀመሪያ ድል ባለፈው ሳምንት አስመዝግበዋል።

ማግፒሶቹ ከሚሸነፍ ቡድን ጋር በሜዳቸው ይጫወታሉ።

የላውሮ ግምት: 2-0

Image copyright BBC Sport

ሳውዝሃምፕተን ከዋትፎርድ

ሳውዝሃምፕተኖች ጎል የማስቆጠር ችግር አለባቸው። ባለፉት አምስት ጨዋታዎች ሦስት ጎሎችን ብቻ ነው ያስቆጠሩት።

ባለፉት አምስት ጨዋታዎች ያጡትን ድል ዋትፎርድ ላይ ያስመዘግባሉ? አዎ።

የላውሮ ግምት: 2-0

በሞ ሳላህ ቅርጽ የተሰራው ሃውልት መሳቂያ ሆኗል

Image copyright BBC Sport

ክሪስታል ፓላስ ከቶተንሃም

ካለፉት አምስት ጨዋታዎች ሁለት ነጥብ ብቻ ያገኙት ክሪስታል ፓላሶች በፕሪሚየር ሊጉ በሜዳቸው መጥፎ ውጤት እያስመዘገቡ ነው።

ይህ የለንደን ደርቢ ሲሆን ሁሌም ጠንካራ ሆነው ይቀርባሉ። ቶተንሃሞች ተደጋጋሚ ጨዋታዎችን ያደረጉ ሲሆን ይህ ደግሞ የሚጠቅማቸው አይደለም።

የላውሮ ግምት: 1-1

እሑድ

Image copyright BBC Sport

ሊቨርፑል ከፉልሃም

ሊቨርፑሎች ማክሰኞ ምሽት ከሬድ ስታር ጋር በቤልግሬድ ባደረጉት ጨዋታ በሁሉም ዘርፍ ጥሩ አልነበሩም።

ይህ ግን ከፉልሃም ጋር አይደገምም። ፉልሃሞች ባለፉት ጨዋታዎች ወደታች እያሽቆለቆሉ ሲሆን ሰባተኛ ተከታታይ ጨዋታቸወንም ይሸነፋሉ ብዬ አገምታለሁ።

የላውሮ ግምት: 3-0

Image copyright BBC Sport

ቼልሲ ከኤቨርተን

ኤቨርተኖች ባለፈው ሳምንት ብራይተንን ከማሸነፍ በተጨማሪ ጥሩ ጨዋታ አሳይተዋል።

ቼልሲ ላይ ጎል ማግባት ግን እንደሚታሰበው ቀላል አይደለም። ቼልሲዎች ጭንቅ ውስጥ ሲገቡ ኤዲን ሃዛርድ ሁሌም ይደርስላቸዋል።

የላውሮ ግምት: 2-0

Image copyright BBC Sport

አርሴናል ከዎልቨስ

አርሴናልን ባየሁ ቁጥር የማስበው ኡናይ ኤምሬ በአጭር ጊዜ ቡድኑን ውጤታማ ስለማድረጋቸው። ከሊቨርፑል ጋር የነበራቸውን ዓይነት ውጤታማ እንቅስቃሴ ይደግማሉ ተብሎ ይጠበቃል።

ዎልቭሶች ባለፉት ሦስት ጨዋታዎች የተሸነፉ ሲሆን እሑድ ምንም ዓይነት ውጤት ቢገጥማቸው ካሉበት ደረጃ ብዙም አያሽቆለቁሉም።

የላውሮ ግምት: 2-0

Image copyright BBC Sport

ማንቸስተር ሲቲ ከማንቸስተር ዩናይትድ

የጆሴ ሞሪንሆ ቡድን ባለፉት ጥቂት ጨዋታዎች የሚያሳየው አቋም የቀድሞውን ዩናይትድ የሚያስታውስ ነው። ቢመሩም ወደጨዋታው ይመለሳሉ።

ሲቲዎች ባለፉት ሁለት ጨዋታዎች ብዛት ያላቸው ጎሎችን አስቆጠረው በማሸነፋቸው ደጋፊው በተስፋ ሊይዝ ይችላል። እግር ኳስ ግን ቀላል ነገር አይደለም።

በተመሳሳይ የዩናይትድ ደጋፈዎችም ባለፈው ዓመት ያስመዘገቡትን ድል እያሰቡ ሊሆን ይችላል። ይህ ግን የሚሳካ አይመስለኝም።

የላውሮ ግምት: 1-1

የእርሶ መሳሪያ ሚዲያ ፕሌይ ባክን ማጫወት ኣልተቻለም።
“አሰልጣኝ መሆን ማለት መቃጠል ማለት ነው” - ሰውነት ቢሻው

ተያያዥ ርዕሶች