የ'ሰከረው' ህንዳዊ ሐኪም በቀዶ ጥገና ሲያዋልድ እናትና ልጅ ህይዎታቸው እንዲያልፍ ምክንያት ሆነ

Representational image Image copyright Getty Images
አጭር የምስል መግለጫ እናትና አዲስ የተወለደው ጨቅላ ቀዶ ጥገናው ከተከናወነ ከጥቂት ሰዓታት በኋላ ህይወታቸው አልፏል።

ጉጃራት በምትሰኝ የህንድ ግዛት ውስጥ ሰክሮ አንዲት እናትን በቀዶ ሕክምና ለማዋለድ የሞከረ ሐኪም በቁጥጥር ሥር መዋሉን የአካባቢው ፖሊስ ለቢቢሲ አስታወቀ።

ቀዶ ጥገናው እንደተካሄደ አዲስ የተወለደው ጨቅላ ወዲያው ሲሞት እናቲቱም ከሰዓታት በኋላ ህይወቷ አልፏል።

ፖሊስ እንደሚለው ከሆነ ሐኪሙ ላይ የተከናወነው የትንፋሸ ምረመራ ቀዶ ጥገናውን ሲያከናውን ሰክሮ እንደነበረ ተረጋግጧል።

ኦዴፓ እና ኦዴግ ተዋሃዱ

የጋና ቅንጡ የሬሳ ሳጥኖች

ፖሊስ ጨምሮ እንደተናገረው የወላዷና የጨቅላው ሞት ምክንያት በሐኪሙ ቸልተኝነት ወይም በሌላ ሕክምናዊ ጉዳዮች ስለመሆኑ እያጣራሁ ነው ብሏል።

በቁጥጥር ሥር የዋለው ዶክተር ላክሃኒ፤ ልምድ ያለው ሐኪም ስለመሆኑና በዚያው ሆስፒታል ከ15 ዓመታት በላይ እንዳገለገለ ተገልጿል።

ካሚኒ ቻቺ የተባለችው እናት የምጥ ስሜት ከተሰማት በኋላ ነበር ስኞ ምሽት ወደ ሆስፒታሉ ያቀናችው።

የእናቲቱን በሰላም የመገላገል ዜና ለመስማት በጉጉት ሲጠባበቁ ለነበሩት የቤተሰብ አባላት፤ ልጁ እንደተወለደ መሞቱንና እናቲቱም ከፍተኛ የሆነ የደም መፍሰስ እንዳጋጠማት ተነግሯቸው እንደነበር የአካባቢው መገናኛ ብዙሃን ዘግበዋል።

''የአንድ ቤተሰብ አባላት ግድያ'' በቤኒሻንጉል ክልሏ ያሶ ከተማ

"ነጭ የለበሰ 'መልአክ' በኦሮምኛ አናገረኝ"- የሬሳ ሳጥን ፈንቅለው የወጡት ግለሰብ

የቤተሰብ አባላቱም እናቲቱን ወደ ሌላ ሆስፒታል ይዘው ሲያመሩ ሕይወቷ መንገድ ላይ አልፏል።

አንድ የፖሊስ አባል ለቢቢሲ እንደተናገሩት ሐኪሙ ለፖሊስ ደውሎ የሟች ቤተሰቦች የወላዷን ሞት ከሰሙ ሊያጠቁት እንደሚችሉ ስጋቱን በመግለጽ የፖሊስን እርዳታ ጠይቋል።

''ጥሪውን ተከታትለን በቦታው ስንደርስ ሰክሮ አገኘነው፤ ከዚያም በቁጥጥር ሥር አዋልነው'' ሲሉ የፖሊስ አባሉ አስረድተዋል።

ሆስፒታሉም የእናቲቱንና የጨቅላውን ሞት ምክንያት የሚያጣራ ኮሚቴ ማቋቋሙን አስታውቋል።

ተያያዥ ርዕሶች