የላውሮ ግምት፡ ማንቸስተር ዩናይትድ በአዲሱ አሰልጣኝ ስር ውጤታማ ይሆናል?

Ole Gunnar Solskjaer Image copyright Reuters

ማንቸስተር ዩናትዶች በጊዜያዊው አሰልጣኝ ኦሌ ጉናር ሶልሻር ሥር የመጀመሪያ ጨዋታቸውን ለማድረግ ወደ ካርዲፍ ያቀናሉ። ምን ዓይነት ውጤት ያስመዘግባሉ?

የቢቢሲው የእግር ኳስ ተንታኝ ማርክ ላውረንሰን "ከዚህ ቀደም ከነበረው ማንቸስተር በእጅጉ የተለየ ቡድን የምንመለከት ይሆናል። በጆዜ ሞውሪንሆ ስር ውጤታማ ያልነበሩት ተጫዋቾች ትኩረት ስለሚደረግባቸው ያላቸውን ብቃት ለማሳየት ይጫወታሉ" ብሏል።

"አንድ ሁለቱ ራሳቸውን በመመልከት ውጤታማ ካልሆኑበት ውድድር ዓመት በተቃራኒ መጫወት አለባቸው።"

ላውሮ ይህንን ጨምሮ የሌሎች የፕሪሚየር ሊጉን ጨዋታዎች ግምት አስቀምጧል።

የላውሮ ግምቶች

አርብ

Image copyright BBC Sport

ዎልቭስ ከሊቨርፑል

ከስድስት ጨዋታዎች በኋላ ሦስት ተከታታይ ጨዋታዎችን ያሸነፉት ዎልቭሶች ይህን የድል ጉዞዋቸውን በዚህ ሳምንት የሚቀጥሉ አይመስለኝም።

የርገን ክሎፕ ባለፉት ሁለት ሳምንታት ቡድናቸውን ቢቀያይሩም ውጤታማ ከመሆን አላገዳቸውም።

የላውሮ ግምት: 1-2

የዩናይትድ ቀጣይ ቋሚ አሰልጣኝ ማን ይሆን?

ቅዳሜ

Image copyright BBC Sport

አርሴናል ከበርንሌይ

አርሴናል በሊጉ በሳውዛሃምፕተን ከደረሰበት ሽንፈት በኋላ አሰልጣኝ ኡናይ ኤምሬ ማሸነፍን ብቻ አስበው ነው የሚጫወቱት።

ካርሌቶች ካለፈው ሳምንት ሽንፈት በኋላ ወራጅ ቀጠና ውስጥ ገብተዋል።

የላውሮ ግምት: 2-0

Image copyright BBC Sport

በርንማውዝ ከብራይተን

በርንማውዞች መጥፎ ጨዋታ ባያሳዩም ካለፉት ስምንት ጨዋታዎች በሳባቱ ሽንፈት አስተናግደዋል።

ብራይተንን ግን እንደሚያሸንፉ እገምታለሁ። በተለይ ደግሞ ብራይተኖች ከሜዳቸው ውጭ ውጤታማ አለመሆናቸው ጨዋታውን ከባድ ያደርግባቸዋል።

የላውሮ ግምት: 2-0

Image copyright BBC Sport

ቼልሲ ከሌስተር

ሌስተሮች አጥቂያቸው ቫርዲ ሲጫወት ጠንካራ ቢሆኑም በዚህ ጨዋታ ከጉዳቱ አገግሞ ቢሰለፍም ለውጥ ያመጣል ብዬ አላስብም።

ቼልሲዎች ከዎልቭስ ሽንፈት በኋላ በውጤታማነት መቀጠላቸውን የሚያረጋግጡበት ጨዋታ ነው።

የላውሮ ግምት: 2-0

የአፍሪካ እግር ኳስ ቅሌት

Image copyright BBC Sport

ሃደርስፊልድ ከሳውዝሃምፕተን

ሁለቱ ቡድኖች የተቀራራበ ውጤት ቢኖራቸውም ሃደርስፊልዶች ያለፉትን አራት ጨዋታዎች ተሸንፈዋል።

ጨዋታውን ያሸንፋሉ ብዬ ባልጠብቅም በአቻ ውጤት ግን ያጠናቅቃሉ።

የላውሮ ግምት: 1-1

Image copyright BBC Sport

ማንቸስትር ሲቲ ከክሪስታል ፓላስ

ክሪስታል ፓላሶች በጣም አስፈላጊ የሆነ ድል ባለፈው ሳምንት ሌስተር ላይ ቢያስመዘግቡም ይህንን ግን ኤቲሃድ ስታዲየም ላይ ይደግሙታል ብዬ አላስብም።

ፔፕ ጉዋርዲዮላ ተጫዋቾችን ቢያሳርፍ እንኳን አጨዋወታቸው አይቀየርም። ጥሩው ዜና ደግሞ ኬቪን ደ ብሩይን እና ሰርጂዮ አጉዌሮ ከጉዳት መመለሳቸው ነው።

የላውሮ ግምት: 3-0

Image copyright BBC Sport

ኒውካስል ከፉልሃም

ፉልሃሞች ባለፈው ሳምንት ከዌስት ሃም ጋር የነበራቸውን ዕድል ካለመጠቀማቸውም በላይ ተሸንፈዋል።

ኒውካስሎች አሁንም የመውረድ ስጋት ያለባቸው እና በሜዳቸው ውጤት ለማስመዝገብ የሚቸገሩ ቢሆንም ጨዋታውን እንደሚያሸንፉ እገምታለሁ።

የላውሮ ግምት: 2-0

Image copyright BBC Sport

ዌስት ሃም ከዋትፎርድ

ዌስት ሃሞች ጥሩ በመንቀሳቀስ አራት ጨዋታዎችን ማሸነፍ ችለዋል። ውድድሩ ሲጀምር ችግር የነበረበት የተከላካይ መስመራቸው አሁን ቅርጽ የያዘ ይመስላል።

ይህን ጨዋታ መገመት ከባድ ነው። ባለፉት ሁለት ሳምንታት በዋትፎርዶች አጨዋወት ተደምምያለሁ።

የላውሮ ግምት: 0-2

Image copyright BBC Sport

ካርዲፍ ከማንቸስተር ዩናይትድ

ካርዲፎች በሜዳቸው ካደረጓቸው አምስት ጨዋታዎች አራቱን በድል ቢያጠናቅቁም ይኼኛው ግን የተለየ ነው።

አዲስ አሰልጣኝ ሲመጣ ሁሉም ጠጫዋቾች ያላቸውን አቅም ማሳት ይፈልጋሉ። የኦሌ ጉናር ሶልሻር ይህን ጨዋታ በቀላሉ የሚያሸንፍ ሲሆን ቡድኑ ቀጣይ እርምጃ በጉጉት የሚጠበቅ ነው።

የላውሮ ግምት: 0-2

እሑድ

Image copyright BBC Sport

ኤቨርተን ከቶተንሃም

የቶተንሃሙ አሰልጣኝ ማውሪሲዮ ፖቸቲኖ በክረምት የማንቸስትር ዩናትድ አሰልጣኝ እንደሚሆኑ መነገር መጀመሩ ቡድኑ ላይ ተጽዕኖ ሊፈጥር ይችላል።

ባለፉት ጥቂት ጊዜያት ቶተንሃሞች ጉዲሰን ፖርክ ላይ ጥሩ ውጤት ነበራቸው። ባለፉት አምስት ጨዋታዎች አልተሸነፉም። ዘንድሮ ኤቨርተኖችም በሜዳቸው ውጤታማ ሲሆኑ በጨዋታው የሚሸነፉ አይመስለኝም።

የላውሮ ግምት: 1-1

ሞ ሳላህ የዓመቱ ምርጥ አፍሪካዊ ተጫዋች ኾኖ ተመረጠ

በዚህ ዘገባ ላይ ተጨማሪ መረጃ