ሮበርት ሙጋቤ ከ4 ሚሊየን ብር በላይ ተዘረፉ

ሮበርት ሙጋቤ Image copyright Reuters

ከቀድሞው የዚምባብዌ ፕሬዝዳንት ሮበርት ሙጋቤ ላይ አራት ነጥብ ሁለት ሚሊየን ብር ሰርቀው ተሰውረዋል የተባሉ ሶስት ተጠርጣሪዎች ፍርድ ቤት ቀረቡ።

ተጠርጣሪዎቹ የሰረቁትን ገንዘብ መኪና፣ቤትና እንስሳት ለመግዛት እንዳዋሉት የተገለጸ ሲሆን የቀድሞው ፕሬዝዳንት ዘመድ ደግሞ ከተጠርጣሪዎቹ መካከል አንዷ እንደሆነች አንድ የሃገሪቱ ጣቢያ ዘግቧል።

ዚምባ በተባለችው ገጠራማ የሃገሪቱ ክፍል የሚገኘው የቀድሞው ፕሬዝዳንት ቤት ቁልፍ በተጠርጣሪዋ እጅ በመሆኑ ዝርፊያውን ለመፈጸም ቀላል እንዳደረገላቸው ተገልጿል።

"የአነግ አባል ስለሆነ የታሰረ የለም" የኦሮሚያ ኮሚኒኬሽን

የእንግሊዝ ፓርላማ አባላት የረሃብ ሚኒስቴር ይሾምልን እያሉ ነው

ሌሎቹ ተጠርጣሪዎች ደግሞ በቀድሞው ፕሬዝዳንት ቤት ውስጥ ከአንድ ወር በፊት በጽዳት ሰራተኝነት ተቀጥረው ይሰሩ ነበር ።

ጆሃን ማፑሪሻ የተባለችው ተጠርጣሪ 20 ሺ ዶላር የሚያወጣ መኖሪያ ቤትና ተሽከርካሪ እንደገዛች የተገለፀ ሲሆን ሌላኛዋ ተጠርጣሪ ደግሞ አንድ ተሽከርካሪና ብዙ ቁጥር ያላቸው አሳማዎችና ከብቶች ገዝታለች ተብሏል።

የ94 ዓመቱ ሮበርት ሙጋቤ ባሳለፍነው ዓመት ነበር በሃገሪቱ ወታደራዊ ሃይሎች ከስልጣናች እንዲለቁ የተደረጉት። መጀመሪያ በጠቅላይ ሚኒስትርነት በመቀጠልም በፕሬዝዳንትነት ሃገሪቷን ለ37 ዓመታት መርተዋል።

ሃገሪቱ በከባድ ኢኮኖሚያዊ ችግር ውስጥ ሆና እንኳን ሮበርት ሙጋቤ እጅግ የተንደላቀቀ ህይወት ይመሩ እንደነበር ይነገራል።

"ጫትን ማገድ ፈፅሞ የሚቻል አይደለም" ዶ/ር ዘሪሁን መሃመድ

የቀድሞው ፕሬዝዳንት ከስልጣናቸው ከወረዱ በኋላ የመራመድ ችግር አጋጥሟቸው የነበረ ሲሆነ በሲንጋፖር የህክምና ክትትል ሲያደርጉ ነበር ተብሏል።

ሙጋቤ ስርቆቱ ሲፈጸም በቤታቸው ይኑሩ አይኑሩ የተገለጸ ነገር የለም። ተጠርጣሪዎቹ ግን በዋስ እንደተለቀቁ 'ኤኤፍፒ' ዘግቧል።