ለምን አሜሪካ የመድኃኒት ዋጋ የናረባት ሃገር ሆነች?

በሆስፒታል ውስጥ ያለ ታካሚ Image copyright Getty Images

የአሜሪካ መድኃኒት አምራቾችን ከመክሰስ ሰማይ ማረስ ይቀል ነበር። አሁን ግን ግዙፎቹ አምራቾች ይንገዳገዱ ይዘዋል።

የትራምፕ አስተዳደር ከዚህ በኋላ መድኃኒት አምራቾች ምርታቸውን በቴሌቪዥን መስኮት ሲያስተዋውቁ ዋጋቸውን መጥቀስ የግድ ይላቸዋል ሲል አዟል።

ትራምፕ በምረጡኝ ቅስቀሳቸው ወቅት የመድኃኒት ዋጋን እቀንሳለሁ ሲሉ ቃል ገብተው ነበር፤ ለዚህ ሃሳባቸው ደግሞ ከሁለቱም አውራ ፓርቲዎች ድጋፍ አልተለያቸውም።

አሜሪካ የቬንዙዌላ መንግሥትን አሰጠነቀቀች

አንድ ጂሊያድ የሚባል ኩባንያ ባለቤት ለዚሁ ጉዳይ ይፈለጋሉ ተብለው ወደ ምክር ቤት ተጠሩ።

የዴሞክራቲክ ፓርቲ ተወካይ የነበሩት አሌክሳንድሪያ ኦካዚዮ - ኮርቴዝ አንድ ጥያቄ ሰነዘሩ። ለምን ይሆን ተመሳሳይ መድኃኒት አውስትራሊያ ውስጥ 8 ዶላር ሆኖ ሳለ አሜሪካውያን 2000 ዶላር (58 ሺህ ብር ገደማ) እንዲከፍሉ የሚጠየቁት? ሲሉ።

እርግጥ አጥጋቢ መልስ አላገኙም። «ሰዎች ያለምክንያት እየሞቱ ነው» ነበር የሴናተሯ መደምደሚያ።

Image copyright Getty Images
አጭር የምስል መግለጫ ሴናተር አሌክሳንድሪያ ኦካዚዮ-ኮርቴዝ፡ «ሰዎች ያለምክንያት እየሞቱ ነው»

እውን አሜሪካ ውስጥ መድኃኒት ምን ያህል ውድ ነው?

ኮመንዌልዝ ፋውንዴሽን ያሠራው ጥናት እንደሚጠቁመው አሜሪካ መድኃኒትን በውድ ዋጋ በመሸጥ ከዓለም አንደኛ ናት።

በአማካይ አንድ አሜሪካዊ ለመድኃኒት ብቻ በዓመት 1200$ (34 ሺህ ብር ገደማ) ያወጣል። በሌላው ዓለም ግን ከ466 እስከ 939 ዶላር መሆኑን ጥናቱ ይጠቁማል።

ለምሳሌ አንድ የደም ካንሰር ያለበት አሜሪካዊ ለሕክምና 70 ሺህ ዶላር ሊያወጣ ይችላል። ወደ አሜሪካ ጎረቤት ሜክሲኮ ወረድ ሲባል ግን 2 ሺህ ዶላር ሆኖ ይገኛል።

አሜሪካ ሩሲያዊቷን በሰላይነት ከሰሰች

ኢንሱሊን ካናዳ ውስጥ 38 ዶላር ይጠየቅበታል፤ በሌላ በኩል አንድ አሜሪካዊ 200 ዶላር ይከፍላል። ብዙ የማይገኙና ለየት ያሉ መድኃኒቶችማ ዋጋቸው የሚቀመስ አይደለም።

ታድያ ይሄን ችሎ የሚገዛው ማነው?

የአሜሪካ መድኃኒት አምራቾችን የሚወክል አንድ ተቋም የክንኒና ዋጋ እንዲህ ንሮ ይታይ እንጂ አሜሪካውያን ሙሉ ዋጋውን አይከፍሉም ሲል ይከራከራል።

የኢንሹራንስ ኩባንያዎች አብዛኛውን ወጪውን ስለሚሸፍኑ ግለሰቦች ላይ የሚደርሰው ጫና በአንፃሩ ቀለል ያለ ነው የሚል መከራከሪያ ያቀርባል።

የሰሀራ በረሐን በክራች ያቋረጡት ስደተኞች

ችግሩ ወዲህ ነው። 27 ሚሊዮን ገደማ አሜሪካውያን የኢንሹራንስ ባለቤት አይደሉም። ይህ ማለት ደግሞ ሙሉ ወጪውን መሸፈን የታካሚ ግዴታ ነው።

በብዙ የዓለም ሃገራት የሕብረተሰብ ጤና አገልግሎት ሰጪዎች አምራቾች ዋጋ እንዲቀንሱ አብዝተው ይሟገታሉ። አሜሪካ ውስጥ ይህ የሚታሰብ አይደለም።

Image copyright Getty Images
አጭር የምስል መግለጫ 27 ሚሊዮን ገደማ አሜሪካውያን የኢንሹራንስ ባለቤት አይደሉም

በሕዝብ ገንዘብ የተሠራ መድኃኒት

የአሜሪካ የመድኃኒት ዋጋ ፍትሐዊ አይደለም ብለው የሚሞግቱ ሰዎች አንድ የሚያንገበግባቸው ጉዳይ አለ። ይህም ኩባንያዎቹ መድኃኒት የሚያመርቱት ከሕዝብ በተሰበሰበ ገንዘብ መሆኑ ነው።

ሴናተር ኦካዚዮ-ኮርቴዝ ያንገበገባቸው አንድም ይህ ነው። «እንዴት እኛው ለመድኃኒቱ መሥሪያ ከፍለን ይህን ያህል ገንዘብ እንጠየቃለን?» ሲሉ ነበር ጠጠር ያለች ጥያቄ የሠነዘሩት።

በዚህ ዘገባ ላይ ተጨማሪ መረጃ