በአልጄሪያ ራፕ ኮንሰርት ላይ በተከሰተ መረጋገጥ አምስት ሰዎች ሞቱ

ራፕ ኮንሰርት ላይ በነበረ መረጋገጥ አምስት ሰዎች ሞቱ Image copyright Reuters

በአልጄርያ መዲና አልጄርስ ራፕ ኮንሰርት ላይ በነበረ መረጋገጥ አምስት ሰዎች ሞቱ።

በሺዎች የሚቆጠሩ ሰዎች አብደራፍ ዴራጂ ወይም ሱልኪንግ ተብሎ የሚጠራውን ራፐር ኮንሰርት ለመታደም የተገኙ ሲሆን በአንደኛው መግቢያ ላይ በነበረ መጨናነቅ መረጋገጥ ተፈጥሮ እንደሞቱ ተገልጿል።

''አዝማሪዎቻችን የሙዚቃ ሳይንቲስቶች ናቸው"

ባህልን በኤሌክትሮኒክ ሙዚቃ የቀመመው ሮፍናን

ከዚህም በተጨማሪ 21 ሰዎችም ጉዳት የደረሰባቸው ሲሆን ለህክምናም ወደ ሆስፒታል መወሰዳቸውን የሃገሪቱ ሚዲያዎች የህክምና ምንጮችን ዋቢ አድርገው ዘግበዋል።

ግለሰቦቹ በመሞታቸው ኮንሰርቱ ያልተቋረጠ ሲሆን በአልጀሪያ ቴሌቪዥንም በቀጥታ ተላልፏል።

የሃገሪቱ የዜና ምንጭ ቲኤስኤ እንደዘገበው ከሟቾቹ ውስጥ ሶስት ወንዶች ሲሆኑ ሁለቱ ደግሞ ሴቶች መሆናቸውን ነው።

ዘረኝነት ሽሽት - ከአሜሪካ ወደ ጋና

ከኮንሰርቱ ወጡ የተባሉ ቪዲዮዎች በማህበራዊ ሚዲያዎች ላይ እንደሚያሳዩት የህክምና ሰራተኞች ጉዳት የደረሰባቸውን ታዳሚዎች በቃሬዛ ከስታዲየሙ ተሸክመዋቸው ሲወጡ ነው።

ኮንሰርቱ ላይ የነበረችው ጋዜጠኛ ሊንዳ ቸባህ ለቢቢሲ ኒውስደይ እንደተናገረችው ከጅምሩ አንስቶ የሆነ ችግር እንዳለ ያስታውቅ ነበር ብላለች።

"ስታዲየሙ ከሚችለው በላይ ህዝብ ታጭቆ ነበር፤ ታዳሚዎች መረማመጃም ሆነ መተንፈሻ አጥተው ነው። እንዲህ በነበረበት ሁኔታ እንዲህ አይነት አደጋ ማጋጠሙ አልገረመኝም" ብላለች።

አልጄሪያዊው ራፐር ሱልኪንግ ስለ ደረሰው አደጋ ምንም አስተያየት አልሰጠም።

ተያያዥ ርዕሶች