Bakıda Pasxa Bayramından fotoreportaj
Aprelin 16-da Bakıda xristian dünyasının ən böyük bayramlarından biri - Pasxa Bayramı keçirilib.
Şəklin mənbəyi, Gülər Abbasova
Pravoslav xristianlarının bayram mərasimı gecə yarı Jen Mironosits kilsəsində dualar, dini ayinlərin icrası ilə başlayıb.
Şəklin mənbəyi, Gülər Abbasova
Xristianlar hər il Pasxanı Yuri və Qriqori təqviminə görə fərqli tarixdə qeyd edirlər. 2017-ci ildə isə həm katolik, həm pravoslav xristianlarının Pasxa bayramı eyni günə təsadüf edib.
Şəklin mənbəyi, Gülər Abbasova
Pasxa xristian inancına görə İsa Məsihin çarmıxa çəkilməsindən üç gün sonra onun zühuru münasibətiylə qeyd edilən müqəddəs gündür.
Şəklin mənbəyi, Gülər Abbasova
Bu bayrama kimi pravoslav xristianları 40 gün oruc tutur, ibadət edir.
Şəklin mənbəyi, Gülər Abbasova
Orucluğun 40-cı günü, şənbə gecəsi Pasxa ibadəti keçirilir.
Şəklin mənbəyi, Gülər Abbasova
Ziyarətçilər kilsədə mərasim gecəsi müqəddəslərin şərəfinə şam yandırıb, dualar oxuyurlar.
Şəklin mənbəyi, Gülər Abbasova
Günün sabahı, yəni bazar günü Pasxa bayramı qeyd olunur.
Şəklin mənbəyi, Gülər Abbasova
Dini ayinlər bitdikdən sonra,səhər saatlarında ziyarətçilər özləri ilə gətirdikləri şirniyyat, bayram süfrəsini böyük masanın üzərinə toplayırlar. Arzu edənlər gətirdikləri bayram payından kasıblara paylayır və ya sədəqə edirlər.
Şəklin mənbəyi, Gülər Abbasova
Kuliç, rəngli boyanmış yumurtalar və şamlar Pasxanın simvolu hesab olunur.
Şəklin mənbəyi, Gülər Abbasova
Bir qədər sonra keşiş müqəddəs suyu insanların və süfrədəki nemətlərin üzərinə çiləyir,hər kəsin bayramını təbrik edir.