Cavanşir Quliyev: "Niyə hesab edirlər ki, biz azərbaycanlılar bundan yaxşısına layiq deyilik?"

Video açılmasa, YouTube-da izləyin.

Səadət Akifqızının Sual vaxtı YouTube proqramının qonağı bəstəkar Cavanşir Quliyev Azərbaycanda ictimai-siyasi mənzərə, sənət adamlarının problemləri və sənətçilərə olan qadağaları şərh edib.

"Sənatkarın ruhu azad olmalıdır. Azad olmayan sənətkar hökümətə, hakimiyyətə bağlı olan, ona əl açan sənətkar əsərlərində də azad olmayacaq və keyfiyyətli əsərlər də yazılmayacaq" deyə o, müsahibəsində bildirib.

Cavanşir Quliyev müsahibəsində dövlət televiziyası olan AzTV-dən hazırlanan bir tamaşanın musiqisini yazmaqla bağlı sifariş aldığını, ancaq sonradan rəhbərliyin bu sifarişin ona verilməsini bildikdə buna mane olduğunu söyləyib: "Bu tamaşada xaricdə yaşayan azərbaycanlı aktyorlar da çəkiləcək, məndən də musiqini yazmağımı istədilər. Hətta başladım da işləməyə. Bir müddətdən sonra tamaşanın rejissoru dedi ki, AzTV-nin yeni sədri Rövşən müəllim dedi ki, bu tamaşanın musiqisini Cavanşir yazmayacaq".

AzTV-nin mətbuat xidmətindən BBC News Azərbaycancaya bildirilib ki, "bəstəkarın bu ittihamının haradan qaynaqlandığı" onlar üçün də "müəmmalı"dır və bunu araşdıracaqlar.

Qurumun sosial media və ictimaiyyətlə əlaqələr şöbəsinin rəhbəri Mübariz Aslanovun sözlərinə görə, AzTV-nin "Azərbaycantelefilm" Yaradıcılıq Birliyində hazırda çəkilişləri aparılan film və tamaşaların heç birində "bəstəkar olaraq Cavanşir Quliyevə heç bir rəsmi müraciət olmayıb və yaxud bundan rəsmi imtina olmayıb".

"Ümumiyyətlə əvvəldən təsdiqlənən hər hansı bir yaradıcı heyətin siyahılarının heç birində Cavanşir Quliyevin adı olmayıb. Bu baxımdan bəstəkarın bu ittihamının haradan qaynaqlandığı bizim üçün də müəmmalıdır və bu, araşdırılacaq", Mübariz Aslanov qeyd edib.

Sözçü onu da vurğulayıb ki, AzTV heç bir zaman hansısa sənətçinin və ya mədəniyyət xadiminin əsərlərinə qadağa qoymayıb: "İstər AzTV, istərsə də Mədəniyyət kanallarında onlarla tanınmış sənətçilərin, xalq və əməkdar artistləri, bəstəkarların əsərləri yer alır və bu zaman Cavanşir Quliyevin də repertuarına yer verilir. Yeni tamaşalara gəlincə, istər aktyor, istərsə də musiqi tərtibatını bilavasitə peşəkarlara, bu sahədə öz sözünü deyən mütəxəssislərə etibar etmişik", Mübariz Aslanov əlavə edib.

Bu barədə daha geniş