Bağdadda avtomobil partladılıb: azı 35 nəfər ölüb
Fotonun müəllifi
AFP
İraqın paytaxtı Bağdadda bomba qoyulmuş avtomobilin partlaması nəticəsindı azı 35 nəfər həlak olub, təhlükəsizlik və media mənbələri bildirirlər.
Əsasən şiələrin yaşadığı Sədr Şəhər adlanan rayonda baş vermiş partlayış, həmçinin 61 nəfəri yaralayıb.
Özünü İslam Dövləti adlandıran sünni qrup "toplanmış şiələri hədəfləyən" hadisəni törətdiyini bildirib.
Qurbanların çoxunun Sədr Şəhərdə çalışmaq üçün növbə gözləyən gündəlik muzdlular olduğu güman edilir.
Bu hadisədən bir qədər sonra əl-Kindi xəstəxanasının yaxınlığındakı avtomobil parkında bir avtomobil partlayıb, nəticədə üç nəfər ölüb.
Şənbə günü İD Bağdadda 28 nəfərin ölümünə səbəb olmuş iki bombalı intiharçının partlamasına görə də məsuliyyəti üzərinə götürüb.