Şəkillərdə: Azərbaycan pravoslavları Milad gününü qeyd edir
Pravoslav xristianları yanvarın 6-dan 7-nə keçən gecə İsa Peyğəmbərin mövlud gününü qeyd edib.
Azərbaycandakı Pravoslav icması da hər il olduğu kimi 2017-ci ildə Milad gününü (Rojdestvo) kilsədə təntənə ilə keçirib. Jen Mironosits kilsəsindən fotoreportajı Gülər Abbasova təqdim edir.
Mərasim Rus Pravoslav kilsəsinin Bakı və Azərbaycan Yeparxiyasının yepiskopu Aleksandr İşeinin gəlişi ilə başlayıb.
Pravoslav adətinə görə Milad öncəsi 28 noyabrdan 6 yanvara kimi 40 günlük oruc tutulur.
Orucluğun sonuncu günü, yanvarın 6-dan 7-nə keçən gün Milad gecəsi qeyd olunur.
Bu gecə ibadət səmada ilk ulduz görünəndə başlayır.
Ziyarətçilər kilsədə İsa Məsihə, Məryəm Anaya və digər müqəddəslərə dualar edir, şam yandırırlar.
Yepiskop Aleksandr ziyarətçilərin alınlarına "İsa Məsihin suyu"ndan çəkib, xeyir-dua verir.
Mərasimə Müqəddəs Məryəm Kilsəsinin baş keşişi Vladimir Fekete də qatılıb.
Milad gecəsi ibadət səhər saatlarına kimi davam edir.