Şəkillər: katoliklər Pasxa bayramını qeyd edirlər

Bazar günü xristianlar Qriqori təqviminə əsasən Pasxa bayramını qeyd edirlər. Pravoslav xristianlar isə Pasxanı bir həftədən sonra qeyd edəcəklər.

Roma Papası Francis Vatikandakı Müqəddəs Pyotr kilsəsində bayram ibadəti keçirib.

Pontifik ibadət vaxtı bir neçə nəfərin xaç suyuna çəkilməsi mərasimində də iştirak edib. İtaliya mediasının bildirdiyinə görə, onların arasında nigeriyalı miqrant da olub. O, Romada mağazalardan birinin önündə qarətçini neytrallaşdırdıqdan sonra məşhurlaşıb.

Belarusun Roqotna kəndində gün batandan sonra Pasxanı qeyd edən camaat bayram tonqalına toplaşıb. Pasxa tonqalının alovundan yandırılmış şam yerli kilsəyə gətiriləcək.

Bayram gecəsi Polşa paytaxtı Varşavada keşişlər Pasxa ilə əlaqədar bayram ibadəti keçirib.

Pasxa bayramında uşaqların həvəslə oynadığı əsas oyun - şokoladdan hazırlanmış Pasxa yumurtalarının axtarılmasıdır. ABŞ-n Kaliforniya ştatında bu dəfə həmin oyun görünməmiş miqyasda təşkil olunub: uşaqlar üçün çəmənliyə 75 min şokoladlı yumurta səpələnib.

İsveçrədə isə Pasxa yumurtalarını axtarıb tapmaqdansa onların rənglənməsi daha geniş yayılıb. Xristianlar üçün yumurta zühr etmək rəmzidir.

Avstraliyada isə hətta zooparklardakı heyvanlara da bayram sovqatından pay düşüb.

Fransanın Arles şəhərində Pasxa günlərində korrida keçirilir. Öküz döyüşü mövsümü Pasxa bayramına təsadüf edib.

Pravoslav xristianlar isə bu günü Söyüd Bazar Günü kimi qeyd edirlər. Onların Pasxa bayramı gələn həftə başlayır.