ABŞ: Trump prezident seçkilərində qalib gəlir

"Bizim ona (Donald Trump) mesajımız budur ki, Amerikanın siyasətini elə inkişaf etdirsin ki, digər millətlərin azadlıqlarını əlindən almasın və milli maraqlarını digər ölkələrin məhvində axtarmasın", mesajda deyilir.

"Ən vacibi isə onlar öz qoşunlarını Əfqanıstandan keri çəkməlidirlər", əlavə olunur.

Donald Trump ABŞ-ın 45-ci prezidenti olacaq - siyasi vəzifə tutmamış və ya hərbi xidmət keçməmiş ilk prezidenti.

BBCCopyright: BBC

Prezident Obama Donald Trump-a zəng edərək təbrik edib və hakimiyyətin təhvil verilməsinə dair müzakirələr üçün onu Ağ Evə dəvət edib.

Obama həmçinin Hillary Clinton-a zəng edib və həyata keçirdiyi kampaniyaya görə onu təbrik edib.

Prezident çərşənbə günü "seçkilərin nəticələri və bu çətin keçən seçki prosesindən sonra ölkənin bir yerə gəlməsi üçün hansı addımların atılmalı olduğu barədə müzakirələrə dair" bəyanatla çıxış edəcək, Ağ Ev mətbuat katibi bildirib.

Hillary Clinton və Donald Trump-ın qərargahlarına daxil olan xəbərlər müxtəlif emosiyalar doğurub.  

Azərabycan prezidenti İlham Əliyev ABŞ-ın prezidenti seçilməsi münasibəti ilə Donald Trump-ı təbrik edib.

"Amerika Birləşmiş Ştatlarının Prezidenti vəzifəsinə seçilməyiniz münasibətilə Sizi ürəkdən təbrik edirəm. Seçkilərdə qazandığınız qələbə dost Amerika xalqının Sizə olan etimadının və dəstəyinin göstəricisidir", təbrik məktubunda deyilir.

Cənab Əliyev ABŞ və Azərbaycan arasında ikitərəfli münasibətlərin inkişaf edəcəyinə ümid etdiyini bildirib.

Ermənistan prezidenti Serj Sarkisyan Donald Trump-ı ABŞ-ın prezidenti seçilməsi münasibətilə təbrik edib və Ermənistana dəstəyə görə ABŞ hökumətinə minnətdarlığını bildirib, Armenpress xəbər agentliyi bildirir.

İran prezidenti Həsən Ruhani bildirib ki, Donald Trump-ın Obama-nın prezidentliyi dövründə ABŞ-la İran arasında əldə edilmiş nüvə razılaşmasını ləğv etməsi "mümkün deyil".

Cənab Trump seçki kampaniyası ərzində razılaşmanı tənqid edib və onu ləğv edəcəyi ilə hədələyib.

AFPCopyright: AFP

Donald Trump ABŞ prezident seçkilərinin qalibi elan olundu. O, Demokratların namizədi Hillary Clinton-a qalib gəlib.  

BBC dünya boyunca siyasi liderlərin reaksiyalarını öyrənib.

ABŞ boyunca Trump-ın qələbəsini qeyd edən insanlar "Onu həbs edin!" çağırışı edirlər. Trump kampniyası ərzində Hillary Clinton-la bağlı təhqiqatı həata keçirmək üçün xüsusi prokuror təyin edəcəyinə söz verib və onun dəmir barmaqlıqlar arxasında olmasını təklif edib.

Məsələnin indi həyata keçirilməsi üçün hansısa siyasi qərarın olacağı ağlabatan görünməsə də, bəzi insanların Obama-nın ofisi tərk etməzdən öncə Clinton-u əfv edəcəyinə dair gözləntiləri var.

Böyük Britaniyanın baş naziri Theresa May Donald Trump-ı ABŞ seçkilərində qalibiyyətilə əlaqədar təbrik edib.

O söyləyib ki, Britaniya və ABŞ "davam edən və xüsusi əlaqələrə" malikdir və ticarət, təhlükəsizlik və müdafiə üzrə yaxın tərəfdaş olaraq qalacaqdır.

Getty ImagesCopyright: Getty Images

Avropa İttifaqı rəhbərləri Donald Tusk və Jean-Claude Juncker Donald Trump-a təbrik göndərib. Məktubda Aİ/ABŞ münasibətlərinin əhəmiyyətindən də bəhs olunub.

Onlar cənab Trump-ı "ən tez zamanda" Avropaya səyahət etməyə dəvət edib.

EUCopyright: EU

Türkiyənin baş naziri Binali Yildirim ABŞ-da məskunlaşmış din xadimi Fethullah Gülenin ekstradisiyasını istəyib. Cənab Gülen iyul ayında baş vermiş çevrilişə cəhddə ittiham olunur, Türkiyədəki müxbirimiz Mark Lowen tvit edib: 

Fransanın ABŞ-dakı səfiri yazdığı "Dünya gözümüzün önündə dağılır" tvitini daha sonra silib.

TwitterCopyright: Twitter

Rusiya prezidenti Vladimir Putin ABŞ prezidenti seçilməsi münasibətilə Donald Trump-ı təbrik edib.