ရိုဟင်ဂျာ ဒုက္ခသည် စခန်းတထဲ ဆုံဆို့နာ ထိန်းချုပ်ဖို့ လုပ်ဆောင်

Image caption ဆုံဆို့နာ ကာကွယ်ဆေး စီမံကိန်း အကြီးအကျယ်စတင်

ဘင်္ဂလားဒေ့ရှ် နိုင်ငံထဲက ရိုဟင်ဂျာ ဒုက္ခသည် စခန်းတွေမှာ ကလေးသူငယ်တွေကို ဆုံဆို့နာ ကာကွယ်ဆေး ပေးတဲ့ စီမံကိန်း အကြီးအကျယ် စတင် လုပ်ဆောင် လာပါတယ်။

ဒုက္ခသည် စခန်းတွေမှာ ရိုဟင်ဂျာ ကလေးငယ် ၇ဝဝ ကျော် ဆုံဆို့နာ ကူးစက်ခဲ့ပြီး၊ ၉ ယောက် သေဆုံး ခဲ့ရတဲ့နောက် ဘင်္ဂလားဒေ့ရှ် အာဏာပိုင်တွေက အခုလို ဆောင်ရွက်လာတာ ဖြစ်ပါတယ်။

မြန်မာနဲ့နယ်စပ် အနီး ဒုက္ခသည်စခန်းတွေမှာ ဒီရောဂါ ကူးစက်မှု ဖြစ်လာ ခဲ့တာကို တာဝန်ရှိသူတွေ လုံးဝ သတိမထား မိခဲ့ကြဘူးလို့ အာဏာပိုင်တချို့က ပြောပါတယ်။

သင့်စက်တွင် ဒီမီဒီယာဖိုင်ကို ဖွင့်၍ မရပါ။
ဒုက္ခသည်စခန်းမှာ မွေးတဲ့ ဒုက္ခသည်ကလေး

အသက်ရှူ လမ်းကြောင်းဆိုင်ရာ ရောဂါ ဖြစ်တဲ့ ဆုံဆို့နာဟာ အင်မတန် ကူးစက် လွယ်ပြီး၊ အချိန်မီ ကုသမှု မခံရရင် အသက် သေဆုံးနိုင်ပါတယ်။

ရခိုင်ပြည်နယ်ထဲ ပေါ်ပေါက်ခဲ့တဲ့ အကြမ်းဖက်ဖြစ်ရပ်တွေကြောင့် ရိုဟင်ဂျာ မွတ်ဆလင် ၆ သိန်းကျော် ဘင်္ဂလားဒေ့ရှ် နိုင်ငံထဲ ထွက်ပြေးလာခဲ့ ကြရပြီး၊ အဲဒီမှာ ခိုလှုံ နေကြပါတယ်။

ဆက်စပ် အကြောင်းအရာများ