မောင်တော ပြည်သူ့စစ် ၃ ဖွဲ့ကို လက်နက်တပ်ဆင်

ဓာတ်ပုံ မူပိုင် NYUNT WIN
Image caption လုံခြုံရေး စိုးရိမ်ရဆဲ မောင်တော

ရခိုင်ပြည် မောင်တောမြို့နယ် မြောက်ပိုင်းက ဗန္ဓုလ၊ တပ်ချောင်း၊ ဝေလာတောင်ကျေးရွာတို့မှာ ပြည်သူ့စစ်အဖွဲ့ ၃ ဖွဲ့ကို လက်နက်တပ်ဆင် ပေးထားတယ်လို့ ပြည်ထဲရေး ဒုတိယဝန်ကြီး ဗိုလ်ချုပ်အောင်စိုးက ဇန်နဝါရီလ ၃၀ ရက်က ထုတ်ဖော် ပြောကြား ခဲ့ပါတယ်။

ဇန်နဝါရီလ ၃၀ ရက် အမျိုးသား လွှတ်တော်မှာ ရခိုင်ပြည်နယ် မဲဆန္ဒနယ်မြေ အမှတ် ၈ ကိုယ်စားလှယ် ဦးကျော်ကျော်ဝင်းက ကြယ်ပွင့်ပြမေးခွန်း အနေနဲ့ ပြည်သူ့စစ်အဖွဲ့ ထားမထား မေးခဲ့ပါတယ်။

တိုင်းရင်းသားကျေးရွာတွေမှာ တိုင်းရင်းသားတွေကို အကာအကွယ်ပေးဖို့ အတွက် ပြည်သူ့စစ်ဖွဲ့စည်းဖို့ တောင်းဆိုခဲ့တာဖြစ်ပါတယ်။

အဲသလို ပြည်သူ့စစ်ဖွဲ့စည်းဖို့ တောင်းဆိုတာဟာလည်း ရိုဟင်ဂျာ ခေါ် ဘင်္ဂါလီတွေရဲ့ အန္တရာယ်ကို ကာကွယ်ဖို့လို့ ပြောပါတယ်။

ယန်ဟီးလီ သတင်းစာ ရှင်းလင်းပွဲ လုပ်မယ်

ရခိုင်လူ့အခွင့်အရေး ချိုးဖောက်မှု စွဲချက်တွေ စစ်မယ်

ကုလရဲ့ ရခိုင် စွပ်စွဲချက် မမှန်ကန် လို့ စစ်ဆေးရေး အဖွဲ့ဝင် ပြော

သင့်စက်တွင် ဒီမီဒီယာဖိုင်ကို ဖွင့်၍ မရပါ။
ရိုဟင်ဂျာစာအုပ်အကြောင်း သမိုင်းပညာရှင် ဒေါက်တာမြင့်သိန်းနဲ့ မေးမြန်း
သင့်စက်တွင် ဒီမီဒီယာဖိုင်ကို ဖွင့်၍ မရပါ။
မြန်မာဘက်က ဒုက္ခသည် ပြန်လည် လက်ခံရေး ပြင်ဆင်မှု

အဲသလို ပြည်သူ့စစ်ဖွဲ့စည်းရေး မေးမြန်းရာမှာ ပြည်ထဲရေး ဒုတိယဝန်ကြီး ဗိုလ်ချုပ်အောင်စိုးက လက်နက်တပ်ဆင်ပေးထားတဲ့ တိုင်းရင်းသား ပြည်သူ့စစ် ၃ ဖွဲ့ရှိပြီးဖြစ်သလို နောက်ထပ် ၃၀ ကျော်ကိုလည်း လေ့ကျင့်ပြီး လက်နက်တပ်ဆင်ပေးဖို့ရှိကြောင်း ပြောပါတယ်။

ဒီလို တိုင်းရင်းသားတွေကို လက်နက်တပ်ဆင်ပြီး ပြည်သူ့စစ်ဖွဲ့စည်းပေးတဲ့အပေါ် ရိုဟင်ဂျာတွေဘက်မှာတော့ စိုးရိမ်ပူပန်မှုရှိပါတယ်။

မောင်တောမြောက်ပိုင်း အဲဒီပြည်သူ့စစ်ဖွဲ့စည်းထားတဲ့ နေရာတွေဟာ ပြီးခဲ့တဲ့ ရခိုင်ပြည်နယ်အရေးအခင်းအတွင်း ပဋိပက္ခဖြစ်ပွားခဲ့တဲ့ နေရာတွေထဲမှာ အပါအဝင်လည်း ဖြစ်တယ်လို့ ကုလားတန်သတင်းစာအယ်ဒီတာ ဦးတင်စိုးက ဆိုပါတယ်။