ကိုရိုနာ ဗိုင်းရပ်စ်ပိုးတွေ့သူ ထပ်မတွေ့ ၊ဆွစ်ဇာလန်နိုင်ငံသူ နေပြည်တော် ဆေးရုံက ဆင်းခွင့်ပြု

နေပြည်တော် ကုတင် တစ်ထောင်ဆေးရုံ
ဓာတ်ပုံ ပုံစာ,

နေပြည်တော် ကုတင် တစ်ထောင်ဆေးရုံ

မြန်မာနိုင်ငံမှာ ကိုရိုနာ ဗိုင်းရပ်စ် ပိုးကူးစက်ခံရသူနောက်ထပ် မတွေ့ရဘူးလို့ ကျန်းမာရေးနဲ့ အားကစားဝန်ကြီးဌာန ကထုတ်ပြန်ပါတယ်။

ဒါဟာ ကိုရိုနာ ရောဂါပို့း အတွက် နေ့စဉ် ဓာတ်ခွဲစစ်ဆေးမှု အဖြေတွကိုထုတ်ပြန်ရာမှာ ပိုးကူးစက်ခံရသူမတွေ့ရတာ နှစ် ရက်မြောက်ဖြစ်ပါတယ်။

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)က ဧပြီလ ၈ရက် ဓာတ်ခွဲ စစ်ဆေးမှု အဖြေတွေအရ စောင့်ကြည့်လူနာနဲ့ ဆေးရုံတွေမှာ အသွားအလာ ကန့်သတ်ပြီး စောင့်ကြပ်ကြည့်ရှုလျက်ရှိသူ ၃၃ဦး ကို ဓာတ်ခွဲ စစ်ဆေး ခဲ့ရာမှာ (၃၃) ဦး ရဲ့ ဓာတ်ခွဲအဖြေ တွေ အားလုံးမှာ COVID-19 ရောဂါပိုးမရှိ ဘူးလို့လည်းထုတ်ပြန်ခဲ့ပါတယ်။

ဧပြီလ ရ ရက်နေ့ က လည်းဓာတ်ခွဲစစ်ဆေးမှု အဖြေတွေအရ ရောဂါပိုးတွေ့ရှိသူ အသစ်ထပ်မတွေခဲ့ပါဘူး။

ဒါပေမယ့် မြန်မာနိုင်ငံက ကိုရိုနာဗိုင်းရပ်စ် ကူးစက်ခံရသူ နှစ်ဦး ဖြစ်တဲ့လူနာနံပါတ် ၁၆ နဲ့ ၁၇ တို့ ဧပြီလ ၈ ရက်နေ့က သေဆုံးခဲ့ပါတယ်။

လူနာနံပါတ် ၁၆ ဟာ အသက် ၆၃ နှစ်အရွယ် ဆီးချို ရောဂါအခံရှိသူ အမျိုးသမီး ဖြစ်ပြီး ရန်ကုန် ဝေဘာဂီ ဆေးရုံမှာ သေဆုံးခဲ့ပါတယ်။

လူနာနံပါတ် ၁၇ က လူနာနံပါတ် ၁၅ ရဲ့ ခင်ပွန်းဖြစ်သူ အသက် ၄၇ နှစ်အရွယ် သွေးတိုးအခံရှိသူ အမျိုးသားဖြစ်ပြီး ပြည်ဆေးရုံမှာ သေဆုံးခဲ့ပါတယ်။

မြန်မာနိုင်ငံမှာ ဓာတ်ခွဲအတည်ပြုလူနာ ၂၂ ဦးရှိပြီး လူနာအမှတ်စဉ် ၅၊ ၁၆ နဲ့ ၁၇ တို့ ကွယ်လွန်သွားပြီဖြစ်ပါတယ်။

ကျန်လူနာ ၁၉ ဦးရဲ့ ကျန်းမာရေး အခြေအနေဟာ ကောင်းမွန် တယ်လို့ ထုတ်ပြန်ပြီးအထူးကြပ်မတ် ကုသမှု ခံယူနေရတဲ့ လူနာ မရှိဘူးလို့လည်းထုတ်ပြန်ချက်မှာ ပါပါတယ်။

ဒါ့ပြင် အနေပြည်တော်ပြည်သူ့ဆေးရုံ ကြီးမှာ တက်ရောက်ကုသ နေတဲ့ ဆွစ်ဇာလန်နိုင်ငံသူ၊ အသက် (၅၈) နှစ်အရွယ် အမျိုးသမီးလူနာအမှတ်စဉ် ၇ ဟာ ရောဂါ သက်သာကောင်းမွန်လျက်ရှိပြီး ၎င်းထံမှ ဓာတ်ခွဲနမူနာ တွေကို စစ်ဆေးခဲ့ရာ ထပ်မံစစ်ဆေးတဲ့ နှစ်ကြိမ် စလုံးမှာ COVID-19 ရောဂါပိုး မရှိကြောင်း တွေ့ရလို့ ၊ ဧပြီ ၈ရက် ညနေပိုင်း ဆေးရုံမှ ဆင်းခွင့်ပြုခဲ့ပြီး သတ်မှတ်ထားတဲ့ နေရာမှာ (၁၄) ရက် စောင့်ကြည့်ဖို့ စီစဉ် ထားတယ်လို့လည်းထုတ်ပြန်ချက်မှာဖော်ပြပါတယ်။