မွန်ပြည်သစ်ပါတီ အရေးပေါ်အစည်းအဝေး ပြီးစီး

Image caption အဌမအကြိမ် ပါတီညီလာခံကနေ မူ (၃) ချက် ချမှတ်ထားပါတယ်

မွန်ပြည်သစ်ပါတီရဲ့ အရေးပေါ် ဗဟို ကော်မီတီ အစည်းအဝေး ပြီးစီးသွား ပြီဖြစ်ပြီး၊ လာမယ့် ဖေဖေါ်ဝါရီလ (၂၅) ရက်နေ့မှာ အစိုးရနဲ့ အပစ်ရပ်ရေး မော်လမြိုင်မြို့ မှာ ထပ်မံ တွေ့ဆုံ ဆွေးနွေးကြမှာ ဖြစ်ပါတယ်။

ပြီးခဲ့တဲ့ ဖေဖေါ်ဝါရီလ တရက်နေ့က အပစ်အခတ် ရပ်စဲရေးအတွက် အစိုးရနဲ့ ဆွေးနွေးခဲ့တဲ့ အချက် (၅) ချက်ကို အခု အရေးပေါ် အစည်းအဝေးမှာ ဆွေးနွေးခဲ့ ကြပါတယ်။

လောလောဆယ် ဆုံးဖြတ်ချက် အတိအကျ မရှိသေးတဲ့ အတွက် လက်မှတ်ထိုးနိုင်မလား ဆိုတာ ကိုတော့ မပြောနိုင်သေးဘူးလို့ မွန်ပြည်သစ်ပါတီ ဗဟိုကော် မီတီဝင် တဦးက ပြောပါတယ်။

၂၅ ရက်နေ့ တွေ့ဆုံပွဲမှာ အစိုးရဘက်က ရထားပို့ဆောင်ရေး ပြည်ထောင်စု၀န်ကြီး ဦးအောင်မင်းဦးစီးတဲ့ နိုင်ငံတော် ငြိမ်းချမ်းရေး ဖေါ်ဆောင်ရေးအဖွဲ့နဲ့ မွန်ပြည်သစ်ပါတီ ဘက်ကတော့ အရင် အဖွဲ့ဟောင်းထဲက ပါတီဒုဥက္ကှဌ နိုင်ရော့စကဘဲ ဦးဆောင်မှာ ဖြစ်ပါတယ်။

မွန်ပြည်သစ်ပါတီ အနေနဲ့ UNFC ခေါ်တဲ့ သွေးစည်း ညီညွတ်သော တိုင်းရင်သား လူမျိုးများ ဖက်ဒရယ်ကောင် စီအဖွဲ့ဝင်တွေ ဖြစ်ကြတဲ့ ရှမ်း၊ ကချင် ကရင်စတဲ့ အဖွဲ့ တွေ့နဲ့လည်း တွေ့ဆုံညှိနှိုင်းဖို့ ရှိတယ်လို့ ဆိုပါတယ်။

မွန်ပြည်သစ်ပါတီရဲ့ အဌမအကြိမ် ပါတီညီလာခံကနေ အပစ်အခတ်ရပ်စဲရေးကိစ္စနဲ့ ပါတ်သက်ပြီး မူ (၃) ချက်ချ မှတ်ထားပါတယ်။

အဲဒါတွေကတော့ တပြည်လုံး အပစ်အခတ်ရပ်စဲရေး၊ နိုင်ငံရေးအရ အမြန်တွေ့ဆုံရေးနဲ့ တဖွဲ့ချင်းထက် တိုင်းရင်းသားအဖွဲ့တွေ စုပေါင်းပြီး၊ တွေ့ဆုံရေးဆိုတဲ့ မူတွေပဲ ဖြစ်ပတယ်။