အစိုးရသစ်လက်ထက်မှာ မသန်စွမ်း အခွင့်အရေး ပိုရလာဖို့ မျှော်လင့်နေ

myanmar_handicap
Image caption မသန်စွမ်း ကလေးငယ် အရေအတွက် ရဲ့ ထက်ဝက် ကျော် ဟာလည်း ကျောင်း ပညာရေး ကို မရ ရှိနိုင် ဖြစ်နေရ။

မြန်မာနိုင်ငံ မှာ မသန်စွမ်း ဥပေဒ ဆိုပြီး အခု နှစ်ထဲမှာပဲ ထွက်ပေါ် လာခဲ့ ပေမယ့် မသန်စွမ်း ပုဂ္ဂိုလ်တွေ ရဲ့ အခွင့်အရေး ကို ကာကွယ် စောင့်ရှောက် နိုင်ရေး အတွက် လက်တွေ့ ကျင့်သုံးဖို့ရာ နည်းဥပဒေ တွေ ဆက်လက် ထွက်ပေါ် လာဖို့ လိုအပ် နေ သေးတယ် ဆိုပြီး မသန်စွမ်း အခွင့်အရေး အတွက် လှုပ်ရှား နေသူတွေ က ပြောပါတယ်။

နည်းဥပဒေ တွေ နဲ့ တကွ ဥပဒေ တစ်ရပ် အဖြစ် ခိုင်ခိုင်မာမာ အသက်ဝင် လာမှလည်း မသန်စွမ်း ပုဂ္ဂိုလ် တွေ အနေနဲ့ ခွဲခြား ဆက်ဆံ ခံနေရတာ တွေ၊ ဘေးဖယ် ခံနေရတာ တွေ ကို ဖြေရှင်း ကျော်လွှား နိုင်မှာ ဖြစ်တယ် လို့ မြန်မာ နိုင်ငံ မသန်စွမ်းသူများ ရှေ့ဆောင်အဖွဲ့ က ပရိုဂရမ် ဒါရိုက်တာ ကိုနေလင်းစိုး က ဘီဘီစီ ကို ပြောပါတယ်။

ဒါပေမယ့် အခု ဆယ်စုနှစ် အတွင်းမှာတော့ မသန်စွမ်းသူ တွေ ရဲ့ လှုပ်ရှားမှု တွေ ဖွံ့ဖြိုး လာပြီး အနှစ်သာရ အရလည်း သနား ကရုဏာနဲ့ အထောက်အပံ့ ရရှိဖို့ မဟုတ်တော့ပဲ အခွင့်အရေး ရရှိဖို့ အတွက် ရည်ရွယ် အခြေပြု လှုပ်ရှား လာကြတယ် လို့ ကိုနေလင်းစိုး က ပြောပါတယ်။

အမျိုးသား ပညာရေး ဥပဒေ ထဲမှာလည်း မသန်စွမ်းသူတွေ အခွင့်အရေး အတွက် အတိတကျ ထည့်သွင်း ထားပြီး မသန်စွမ်း ဥပဒေ အရလည်း ဒုသမ္မတ တစ်ယောက် ဦးဆောင်တဲ့ မသန်စွမ်းသူတွေ အခွင့်အရေး ကို အကောင်အထည် ဖော်မယ့် နိုင်ငံတော် အဆင့် ကော်မတီ တစ်ရပ် ဖွဲ့ဖို့ အရေး တွေ ပါဝင် နေတာကြောင့် အစိုးရသစ် လက်ထက်မှာ မသန်စွမ်း သူတွေဟာ ဥပဒေရဲ့ အကာအကွယ် ပိုမို ရရှိနိုင်မယ် လို့ မျှော်လင့်ရတယ် ဆိုပြီးတော့လည်း ကိုနေလင်းစိုး က ပြောပါတယ်။

မြန်မာနိုင်ငံ ဟာ လက်ရှိ အခြေအနေ မှာတော့ အာဆီယံ နိုင်ငံတွေထဲ မသန်စွမ်းတွေရဲ အခွင့်ရေး အနည်းဆုံး နိုင်ငံ သုံးနိုင်ငံ ထဲမှာ ပါဝင် နေပြီး မသန်စွမ်း ကလေးငယ် အရေအတွက် ရဲ့ ထက်ဝက် ကျော် ဟာလည်း ကျောင်း ပညာရေး ကို မရ ရှိနိုင် ဖြစ်နေရတယ် လို့ အခွင့်အရေး လှုပ်ရှားသူ တွေက ဆိုပါတယ်။

ဒီသတင်းနဲ့ပတ်သက်သမျှ