နောက်ဆုံး ရေးသားချိန် 13 ဇူလိုင်လ 2011 - 16:23 GMT

လူငယ်တွေ အတွက် အင်္ဂလိပ်စာ ဘယ်လောက် အရေးကြီးလဲ

မီဒီယာ ပလေးယား

ဒေါ်အောင်ဆန်းစုကြည်က BBC Reith Lecture အပြီးမှာ လူငယ်တွေ အင်္ဂလိပ်စာတတ်ဖို့ အရေးကြီးတယ်လို့ ပြောခဲ့ပါတယ်။

လူငယ်တွေ အတွက် အင်္ဂလိပ်စာဟာ ဘယ်လောက် အရေးကြီးပါသလဲ။

အင်္ဂလိပ် စာ ကောင်းကောင်းတတ်အောင် ဘာတွေ လုပ်ဖို့ လိုအပ်ပါသလဲ။

ဘယ်လို ကူညီပံ့ပိုးမှုတွေ လိုအပ်နေပါသလဲ။

သောတရှင်တွေရဲ့ သဘောထားအမြင်တွေကို ဇူလိုင်လ ၁၃ ရက် ဗုဒ္ဓဟူးနေ့ လွတ်လပ်အတွေးအစီအစဉ်မှာ ဆွေးနွေးခဲ့ကြရာမှာ သောတရှင်တွေနဲ့အတူ ပြည်သူ့ခေတ်ဂျာနယ်ရဲ့ အတိုင်ပင်ခံ အယ်ဒီတာ စာရေးဆရာမောင်ဝံသ နဲ့ အင်္ဂလိပ်စာသင်တန်းတွေ သင်ကြား ပေးနေတဲ့ ဆရာဦးတိုးကျော်လှိုင်တို့ လည်း ပါဝင်ဆွေးနွေးခဲ့ကြပါတယ်။

ဒီအစီအစဉ်ကို နားထောင်ပြီး တခုခု ပြောလိုရင် ဘီဘီစီကို email နဲ့ဖြစ်စေ ဖုန်းနဲ့ဖြစ်စေ ဆက်သွယ်နိုင်ပါတယ်။

burmese@bbc.co.uk ကို ဆယ်သွယ်နိုင်သလို တယ်လီဖုန်းနဲ့ဆိုရင် ၀၀၄၄၂၀၇ ၅၅၇ ၁၇၆၄ ကိုဆက်ပြီး ကိုယ်ပြောလိုတဲ့ အကြောင်းအရာ၊ ကိုယ်နေတဲ့ နိုင်ငံနဲ့ တယ်လီဖုန်း နံပါတ်ကို ပြောထားခဲ့ရင် ဘီဘီစီက ပြန်ဆက်သွယ်ပါမယ်။

Myanmar3 ဖောင့်နှင့် ကီးဘုတ် ဒီနေရာမှာ ရယူနိုင်ပါတယ်။

ဆက်သွယ်ရန်

* မဖြည့်မဖြစ် အကွက်တွေကို ပြနေပါတယ်

စာလုံးအရေအတွက်:0

အီးမေးနဲ့ပေးပို့ ဆွေးနွေးသူများ

တကယ်တော့ မြန်မာလူငယ်တွေအဖို့ အင်္ဂလိပ်စာတတ်ဖို့ထက် တရုပ်ဘာသာ စကားတတ်ဖို့က အခုအချိန်မှာ ပိုအရေးကြီး နေတာပါ။

ဒါမှ အလုပ်ရမှာကိုး။ မြန်မာနိုင်ငံမှာက တရုတ်ကုမ္ပဏီတွေ၊ တရုတ်စက်ရုံတွေ အများကြီးဖြစ်နေပါပြီ။ ရှေ့လျှောက် ပိုများလာဦးမှာပါ။ စီးပွားရေးပိတ်ဆို့မှု

ရုတ်သိမ်းပြီး အနောက်နိုင်ငံတွေက ရင်းနှီးမြှုပ်နှံမှုတွေ ၀င်လာရင်တော့ တရုတ်လွှမ်းမိုးမှုကို ဟန့်တားနိုင် မှာပါ။ အင်္ဂလိပ်စာကလည်း အသုံး၀င်လာမှာပေါ့။ နို့မဟုတ်ရင်တော့ အင်္ဂလိပ်စာဆိုတာ လူချမ်းသာ သားသမီးတွေ ပြည်ပထွက်စာသင်နိုင်ဖို့ သက်သက်ပါပဲ။ အခြေအနေကို စိတ်ကူးမယဉ်ဘဲ လက်တွေ့ ကျကျရှုမြင်တာ အကောင်းဆုံးလို့ ယူဆပါတယ်။
မောင်နောက်တိုး(မန္တလေး)

မြန်မာဘွဲ့ရလူငယ်တစ်ဦးသည် အင်္ဂံလိပ်စာကို အနည်းဆုံး ၁၃ နှစ်ခန့် သင်ကြားပြီးဖြစ်သော်လည်း သေသေချာချာ မတတ်မြောက်သည်မှာ သင်ကြားရေး နည်းစနစ်လွဲမှားနေသောကြောင့်လည်းကောင်း၊ သင်ကြားပေးသော ဆရာများ၏ ဘာသာရပ် ကျွမ်းကျင်မှုအားနည်းသောကြောင့်လည်းကောင်း ဖြစ်ပါသည်။
ထို့ကြောင့် ဆရာများကို သင်ကြားမှု စွမ်းရည်မြှင့်သင်တန်းများပေးခြင်းနှင့် သင်ထောက်ကူပစ္စည်းများပါဝင်သော အင်္ဂံလိပ်စာ သင်ကြားရေးနည်းစနစ် အဖြစ်သို့ပြောင်းလဲပြစ်သင့်ပါသည်။
ဥပမာ ။ ။ အခြေခံပညာ ၆ တန်းတွင် Oxford English Dictionary အသုံးပြုနည်းနှင့် အသံထွက် Phonetics များ သင်ကြားပေးတာမျိုး လုပ်သင့်ပါတယ်။

ကိုထွေးလေး(ရန်ကုန်)


ဒီနေ့ခေတ် လူငယ်များ အနေနဲ့ အင်္ဂလိပ်စာနဲ့ ကွန်ပျူတာကို မဖြစ်မနေ ကျွမ်းကျွမ်းကျင်ကျင် တတ်မြောက်ထားသင့် တယ်လို့ ယူဆပါတယ်။
ရဟန်းတော်များအတွက် အင်္ဂလိပ်စာ တတ်မြောက်ထားသင့်ပါသလား ဆိုရင်တော့၊ ဦးဇင်းက ၅၀% ၅၀ လို့ပဲ ပြောချင်ပါတယ်။
ပြည်ပသာသနာပြု လုပ်ငန်းများနဲ့ ကွန်ပျူတာ အင်တာနက် သုံးစွဲနိုင်ဖို့ အင်္ဂလိပ်စာကို မဖြစ်မနေ တတ်မြောက်ထားသင့်တယ်လို့ မြင်မိပေမယ့်၊ ဗုဒ္ဓသားတော် ရဟန်းများတွက် ပိဋကတ်စာပေတွေ နှံ့စပ်ဖို့နဲ့ အကျင့်စရဏ ပြည့်စုံဖို့ကသာ အဓိဖြစ်ပါတယ်။ ပိဋကတ်စာပေတွေကို ကျွမ်းကျင်နှံ့စပ်ခြင်းလည်းမရှိ၊ အကျင့်စရဏလည်းလည်း မပြည့်စုံဘူးဆိုရင် ပြည်ပသာသနာ ပြုလုပ်ငန်းတွေ ဘယ်လောက်ပဲလုပ်လုပ် ခရီးမရောက်နိုင်ဘူးလို့ ထင်မြင်မိပါတယ်။

ဦးမာနိတ မြိတ်မြို့

BBC navigation

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။