၈ တန်းကျောင်းသူဘဝမှာ ဆရာက မုဒိမ်းကျင့်ပေမယ့် ဘဝကို အရှုံးမပေးသူ
သင့်စက်တွင် ဒီမီဒီယာဖိုင်ကို ဖွင့်၍ မရပါ။

ဆရာဆိုးရဲ့ သားကောင်ဖြစ်ခဲ့ရပေမယ့် ဘဝကို အရှုံးမပေးတဲ့ ကျောင်းသူ

အခု နှစ်ပိုင်းတွေထဲမှာ သက်ငယ်မုဒိမ်းမှု သတင်းတွေ အများအပြား တွေ့လာရသလို အစိုးရ ရဲ့ ထုတ်ပြန်ချက် စာရင်းဇယားတွေမှာလည်း အသက် ၁၆ နှစ်အောက် မိန်းကလေးငယ် အဓမ္မပြုကျင့်ခံရမှုကလည်း တိုးလာတာကို တွေ့ရပါတယ်။ လိင်အကြမ်းဖက်ခံရမှုတွေ လျှော့ချနိုင်ဖို့ အတွက် ပိုမို ဖွင့်ဟ ပြောဆို တိုင်ကြားကြဖို့လှုံ့ဆော်တိုက်တွန်းမှုတွေရှိပေမယ့်အရှက် အကြောက်နဲ့လူမှုအသိုင်းအဝိုင်းရဲ့ အထင်သေးဖယ်ကျဉ်ခံရမှာ စိုးတဲ့အတွက် ထုတ်ပြောဖို့ ခက်နေတာတွေရှိကြပါတယ်။

ဒီလို အခြေအနေမှာ ကိုယ်တိုင် အဓမ္မပြုကျင့်ခံခဲ့ရသူ မိန်းကလေးငယ် တစ်ဦးကတော့ ဘဝကို အရှုံးမပေးဘဲ သူ့ကိုယ်သူ ပြန်လည် တည်ဆောက်ယူရင်း လာမယ့် မတ်လ တက္ကသိုလ်ဝင်တန်း စာမေးပွဲကို ဖြေဆိုဖို့ ကြိုးစားနေပါတယ်။ မိန်းကလေးနဲ့ သူ့မိခင်ကို ဘီဘီစီက ကိုငြိမ်းချမ်းအေးက သီးသန့် တွေ့ဆုံပြီး မေးမြန်းတင်ဆက် ထားပါတယ်။ ကာယကံရှင်တွေရဲ့ ပြောစကားတွေကိတော့အသံသရုပ်ဆောင်တွေက ဖတ်ပေးထားပါတယ်။

အခု ပြသမယ့် ဗီဒီယိုမှာ တချို့အတွက် စိတ်အနှောင့်အယှက်ဖြစ်စရာ အကြောင်းအရာတွေ ပါကောင်းပါနိုင်တယ်ဆိုတာ ကြိုတင်အသိပေးထားပါရစေ။

ရိုက်ကူး - စံကျော်ထွန်း