မြစ်ဆုံအကြောင်း ဝန်ကြီးဟောင်း ဦးစိုးသိန်းနဲ့ ဘီဘီစီ သီးသန့်မေးမြန်းခန်း
သင့်စက်တွင် ဒီမီဒီယာဖိုင်ကို ဖွင့်၍ မရပါ။

မြစ်ဆုံအကြောင်း ဝန်ကြီးဟောင်း ဦးစိုးသိန်းနဲ့ ဘီဘီစီ သီးသန့်မေးမြန်းခန်း

ဧရာဝတီမြစ်ပေါ်မှာ တည်ဆောက်မယ့် မြစ်ဆုံ စီမံကိန်းကို ဆန္ဒပြကန့်ကွက်မှုတွေ၊ စီမံကိန်း ပယ်ဖျက်ရေး လှုပ်ရှားမှုတွေ ဆက်ရှိနေပေမယ့် မြစ်ဆုံစီမံကိန်း ဆက်ဆောက်မဆောက်ဆိုတာ အန်အယ်လ်ဒီအစိုးရက ယတိပြတ် မပြောသေးပါဘူး။ ဒီစီမံကိန်းကို စစ်အစိုးရလက်ထက်မှာ စတင်ခဲ့ပြီး သမ္မတဦးသိန်းစိန် အစိုးရကတော့ သူ့လက်ထက်မှာ ဆိုင်းငံ့ထားဖို့ ဆုံးဖြတ်ခဲ့ပါတယ်။ ဒါပေမယ့် ဒီစီမံကိန်းကို ပြန်စချင်တယ်လို့ တရုတ်ဘက်က ပြောနေပါတယ်။ ဒီစီမံကိန်းကို ပြီးခဲ့တဲ့ အစိုးရတွေက ဘယ်လို သဘောတူလက်မှတ်ရေးထိုးခဲ့လဲ၊ လက်ရှိ ဒီစီမံကိန်းကို ဘယ်လို ဆက်လက်လုပ်ဆောင်သင့်လဲဆိုတာ တပ်မတော် ကာကွယ်ရေးဦးစီးချုပ် (ရေ) ဒုတိယဗိုလ်ချုပ်ကြီးဟောင်းလည်းဖြစ်၊ စစ်အစိုးရလက်ထက်မှာ စက်မှုဝန်ကြီး၊ ဦးသိန်းစိန်အစိုးရလက်ထက်မှာ သမ္မတရုံးဝန်ကြီးအဖြစ် အဆင့်မြင့်ရာထူးတာဝန်တွေ ထမ်းဆောင်ခဲ့တဲ့ ဦးစိုးသိန်းကို ဘီဘီစီသတင်းထောက် မစိုးစိုးထွန်းက မေးမြန်းထားပါတယ်။