ခရိုအေးရှားနဲ့ အကြိတ်အနယ် ကစားပြီး ချန်ပီယံထပ်ဖြစ်တဲ့ ပြင်သစ်

၂၀၁၈ ကမ္ဘာ့ဖလား ပြိုင်ပွဲမှာ ပြင်သစ်အသင်းဟာ အကောင်းဆုံး ခြေစွမ်းပြပြီး ထိုက်ထိုက်တန်တန်နဲ့ ချန်ပီယံဖြစ်လာခဲ့ပါပြီ။ ဒါဟာ ပြင်သစ်အသင်းအတွက် ၁၉၉၈နောက်ပိုင်း ချန်ပီယံ ထပ်ဖြစ်တာဖြစ်ပြီး နည်းပြ ဒီဒီယာ ဒေ့ရွမ်ဟာ ကစားသမားနဲ့ နည်းပြဘဝ နှစ်ခုစလုံးမှာ ကမ္ဘာ့ဖလား ကိုင်မြှောက်နိုင်တဲ့ တတိယမြောက် ဖြစ်လာပါတယ်။ ခရိုအေးရှားအတွက်တော့ ၁၉၉၈နောက်ပိုင်း အမြင့်ဆုံးအဖြစ် ဖိုင်နယ် တက်ခဲ့တာ ဖြစ်ပါတယ်။ အကောင်းဆုံး ဘောလုံး သမားဆုကို မိုဒရစ်ရခဲ့ပြီး အကောင်းဆုံး လူငယ် ကစားသမားဆုကို အမ်ဘတ်၊ ဂိုးအများဆုံး သွင်းဆုကို ဟယ်ရီကိန်းနဲ့ အကောင်းဆုံး ဂိုးသမားဆုကို သီဘို့ ကော့တွိုင်ရခဲ့ ကြပါတယ်။ စပိန်အသင်းကတော့ အသန့်အရှင်းဆုံး ဆုရခဲ့ပါတယ်။