နိုင်ငံတကာ

  1. ဒီကျောက်ရိုင်းတုံးကြီးက ဒေါ်လာ သန်း ၁၀၀ လောက်တန်နိုင်တယ်လို့ ပညာရှင်တွေက ခန့်မှန်းထားကြ

    ဒီကျောက်ရိုင်းတုံးကြီးက ဒေါ်လာ သန်း ၁၀၀ လောက်တန်နိုင်တယ်လို့ ပညာရှင်တွေက ခန့်မှန်းထားကြပါတယ်။

    အပြည့်အစုံ ဖတ်ရန်
    next
  2. တရုတ်ဟာ နျူကလီးယား မစ်ဇိုင်းတွေ တိုးချဲ့ချထားတယ်လို့ ဆိုနေကြ

    ပစ်ဖို့အသင့် မစ်ဇိုင်းတွေ ဆင်ထားတဲ့ ကွင်းကြီးမျိုး အသစ်ဆောက်နေတာ တရုတ်နိုင်ငံအနောက်ပိုင်းမှာ ပြီးခဲ့တဲ့ ၂ လအတွင်း ၂ခုရှိတယ်လို့ ဆိုပါတယ်။

    အပြည့်အစုံ ဖတ်ရန်
    next
  3. Video content

    Video caption: ကိုဗစ် ကာကွယ်ဆေး ခရီးသွား

    ကိုဗစ် ကာကွယ်ဆေး ခရီးသွား

  4. ဘီလျံနာ ဆန်း ဒဝူဟာ တရုတ်နိုင်ငံရဲ့အကြီးမားဆုံး မွေးမြူရေးလုပ်ငန်းကြီး တခုကို စီမံခန့်ခွဲနေသူဖြစ်

    တရုတ်အစိုးရရဲ့ ကျေးလက်ဆိုင်ရာ မူဝါဒတွေကို သူ ဝေဖန်ခဲ့ဖူးသလို ထင်ရှားတဲ့ တရုတ်အတိုက်အခံ နိုင်ငံရေးသမားတချို့နဲ့လည်း သူက နီးနီးစပ်စပ်ရှိ။

    အပြည့်အစုံ ဖတ်ရန်
    next
  5. ရေမြုပ်သံတွဲစက်ရုံ ငါးရက်ကြာမှ ပြန်ပေးနိုင်မယ်၊ မြောက်ဦးစက်ရုံ မြို့နယ်ခြားပေးတာ ရပ်

    ရခိုင်ပြည်နယ်အတွင်းက စက်ရုံတွေ ထွက်ရှိတဲ့ အောက်ဆီဂျင်အပြင် ပြည်နယ်ပြင်ပက တစ်နေ့ကို အလုံး ၁၅၀ ခန့် နေ့စဉ် ခက်ခက်ခဲခဲ တင်သွင်းပြီး ဆေးရုံတွေကို မျှဝေပေးနေရတယ်လို့ ဆို။

    အပြည့်အစုံ ဖတ်ရန်
    next
  6. အီရန်အရေးလှုပ်ရှားတက်ကြွသူတွေက သတ်ဖြတ်ခံရသူတွေ အတွက် အောက်မေ့ဘွယ်အခမ်းအနားကို ပဲရစ်မှာ ၂၀၁၉ တုန်းကပြုလုပ်ခဲ့စဉ်

    ကမ္ဘာသူကမ္ဘာသား အားလုံးနဲ့ ဆိုင်တဲ့ တရားစီရင်စစ်ဆေးမှုလုပ်ဖို့ အရင်ကတည်းက တောင်းဆိုလာနေကြတဲ့ အမှုဖြစ်။

    အပြည့်အစုံ ဖတ်ရန်
    next
  7. Video content

    Video caption: တရုတ်ကာကွယ်ဆေးတွေအပေါ် မေးခွန်းထုတ်နေကြ

    အသက် ၆၅ နှစ်နဲ့အထက် လူကြီးတွေနဲ့ စေတနာ့ဝန်ထမ်းတွေကို ဦးစားပေး ထိုးပေးမယ

  8. မြန်မာဘက်က ပြေးလာသူတွေကို မဖမ်းဆီးဖို့ အိန္ဒိယကို HRC တောင်းဆို

    အိန္ဒိယ ပြည်နယ်တွေထဲက လူဝင်မှု ထိန်းသိမ်းရေး စခန်းတွေထဲ ကိုဗစ် ကူးမှု အခြေအနေ ဘယ်လိုရှိနေလဲ

    အိန္ဒိယနိုင်ငံထဲ ခိုလှုံခွင့် တောင်းခံရင်းသား ထိန်းသိမ်းခံထားရတဲ့ မြန်မာတွေ အားလုံးကို ချက်ခြင်း ပြန်လွှတ်ပေးဖို့ လူ့အခွင့်အရေး ဆိုင်ရာ နိုင်ငံတကာ စောင့်ကြည့်ရေး အဖွဲ့ဖြစ်တဲ့ HRC က ဒီနေ့၊ ဇူလိုင်လ ၂၈ ရက်နေ့မှာ အိန္ဒိယ အစိုးရကို တောင်းဆို လိုက်ပါတယ်။

    ဒါ့အပြင်၊ မြန်မာပြည်ကနေ ထွက်ပြေးလာကြတဲ့ အမျိုးသမီး နှစ်ဦးဟာ မဏိပူရပြည်နယ်မှာ အာဏာပိုင်တွေရဲ့ ဖမ်းဆီးထိန်းသိမ်းတာ ခံနေရစဥ်၊ ကိုဗစ်ရောဂါကြောင့် ပြီးခဲ့တဲ့ ဇွန်လတုန်းက သေဆုံးခဲ့ရတဲ့ ဖြစ်ရပ်အပေါ် အိန္ဒိယ အာဏာပိုင်တွေ စုံစမ်းစစ်ဆေးမှုတွေ ပြုလုပ်ကြဖို့လည်း HRC က တိုက်တွန်း နေပါတယ်။

    မြန်မာပြည်မှာ စစ်အာဏာသိမ်းမှု ဆန့်ကျင်ရေး ဆန္ဒပြပွဲတွေ အကြမ်းဖက် ဖြိုခွဲ ခံလာရတဲ့နောက် အိန္ဒိယဘက် ဝင်ရောက်ခိုလှုံ လာကြသူ အရေအတွက် ခန့်မှန်းခြေ တစ်သောင်းခြောက်ထောင် ၁၆,၀၀၀ ဝန်းကျင် ရှိတယ်လို့ HRC အဖွဲ့က ဆိုပါတယ်။

    အိန္ဒိယဘက် ရောက်လာကြသူတွေထဲ လွှတ်တော်အမတ်တွေက အစ၊ အကြမ်းမဖက် အာဏာဖီဆန်ရေး CDM လုပ်ကြတဲ့ ဝန်ထမ်းတွေ၊ စစ်တပ်နဲ့ရဲအဖွဲ့က အမှုထမ်း အရာထမ်းတွေနဲ့ လူ့အခွင့်အရေး တက်ကြွလှုပ်ရှားသူတွေ၊ အရပ်ဘက် အဖွဲ့အစည်းတွေထဲက သူတွေ စသဖြင့် အလွှာအသီးသီးက သူတွေ ပါဝင်ကြတယ်လို့ HRC အဖွဲ့က ပြောပါတယ်။

    အဲဒီသူတွေဟာ အဓိကအားဖြင့် မြန်မာနဲ့ကပ်ရက် မဏိပူရ၊ မီဇိုရမ်၊ နာဂလဲန်းနဲ့ အာရူနာချိုလ် ပရာဒက်ရှ် စတဲ့ ပြည်နယ် ၄ ခုမှာ ပြန့်နှံ့ ရောက်ရှိနေတာ ဖြစ်တယ်လို့ အိန္ဒိယ သတင်းမီဒီယာတွေက ဆိုပါတယ်။

    အဲဒီလို ထွက်ပြေး ခိုလှုံလာကြသူတွေကို ဖမ်းဆီးထိန်းသိမ်းတာမျိုး မလုပ်ဖို့ အိန္ဒိယ အစိုးရကို HRC အဖွဲ့က ပြောနေတာ ဖြစ်ပြီး၊ ဒုက္ခသည် အရေးနဲ့ ပတ်သက်ပြီး စောင့်ထိန်း လိုက်နာရမယ့် နိုင်ငံတကာ ဥပဒေတွေနဲ့အညီ သက်ဆိုင်ရာ ကုလသမဂ္ဂ အေဂျင်စီနဲ့ လက်တွဲလို့ အကာအကွယ် ပြုပေးနိုင်ရေး လုပ်ဆောင်ပါလို့လည်း HRC အဖွဲ့ရဲ့ တောင်အာရှ ဒေသဆိုင်ရာ အကြီးအကဲ မီနတ်ရှီ ဂန်ဂူလီက အိန္ဒိယ အစိုးရကို တိုက်တွန်းနေပါတယ်။

    မြန်မာပြည်က ထွက်ပြေးလာကြသူတွေထဲက တချို့ဟာ တရားမဝင် ဝင်ရောက်မှုနဲ့ ဖမ်းခံထားရတာကို HRC က ကန့်ကွက်နေတာ ဖြစ်ပါတယ်။

    အဲဒီလို ဖမ်းခံထားရင်းသား ပြီးခဲ့တဲ့ ဇွန်လတုန်းက မဏိပူရပြည်နယ်မှာ မြန်မာ အမျိုးသမီး ၂ ဦးဟာ ကိုဗစ် ကူးခံရပြီး ၊ နောက်ပိုင်း ခရိုင်ဆေးရုံပေါ် သေဆုံး ခဲ့တယ်လို့ HRC က ပြောပါတယ်။

    ဒါ့ကြောင့် ပြည်ဝင်ခွင့် ချိုးဖောက်လို့ ဆိုပြီး ဖမ်းဆီးထားသူတွေကို ထိန်းသိမ်းရေး စခန်းတွေမှာ ဘယ်လို ပုံစံမျိုးနဲ့ ထားလဲ၊ အစားအစာကအစ လုံလောက်တဲ့ ကျန်းမာရေး စောင့်ရှောက်မှုတွေ ရှိနေလား ဆိုတဲ့ အပေါ် လူ့အခွင့်အရေး အဖွဲ့က မေးခွန်း ထုတ်နေတာ ဖြစ်ပါတယ်။

    အထူးသဖြင့် ထိန်းသိမ်းရေး စခန်းတွေထဲ ကိုဗစ် ကူးစက်ပျံ့နှံ့မှု အခြေအနေ အပေါ် စိုးရိမ်မှုတွေ မြင့်တက်လာနေပါတယ်။ မဏိပူရ ပြည်နယ်မှာဆိုရင် ခိုလှုံခွင့် တောင်းထားသူတွေထဲ နောက်ထပ် အနည်းဆုံး ၁၃ ယောက် ကိုဗစ် ကူးစက် ခံထားရတယ်လို့ HRC အဖွဲ့က ပြောပါတယ်။

    မီဇိုရမ်
    Image caption: အိန္ဒိယဘက် ရောက်လာသူတွေထဲ ရဲတပ်ဖွဲ့ဝင်တချို့နဲ့ မိသားစုတွေပါ ပါဝင်နေ၊ မီဇိုရမ် မတ် ၁၃
  9. ပီတာ ဘောလ်

    BBC World Service

    လေ့ကျင့်ရတဲ့ ရေပြင်မှာ ဒီလိုငါးမန်းတွေရှိ

    အားကစားသမားအများစုအဖို့ အိုလံပစ်ပြိုင်ပွဲ ဝင်မယ်ဆိုရင် အဲဒီအတွက်ကိုပဲ ရည်စူး လေ့ကျင့်တာမျိုး လုပ်ကြရပေမယ့် ဂျို ဘရစ်ချ်ဒန် ဂျုန်း ကတော့ အိုလံပစ်အတွက် လေ့ကျင့်ရင်း ဆေးဘက်အကူအဖြစ် ကိုဗစ်ကပ်ရောဂါကို ရှေ့တန်းက တိုက်ပွဲဝင်ခဲ့ရသူပါ။

    အပြည့်အစုံ ဖတ်ရန်
    next
  10. အောက်ဆီဂျင်ထုတ်စက် အလုံး ၂၀၀ မြန်မာကို ပေးမယ်လို့ စင်္ကာပူ ကြေညာ

    ကြက်ခြေနီ အသင်းအချင်းချင်းတွေကြား ချိတ်ဆက်မှုနဲ့ အောင်ဆီဂျင်စက်တွေ စင်္ကာပူကနေ ဝင်လာမယ်

    ကိုဗစ်နိုင်တင်း ကပ်ရောဂါကို ရင်ဆိုင်နေရတဲ့ မြန်မာပြည်သူတွေကို အားပေးကူညီတဲ့ အနေနဲ့ ၁၀ လီတာ အောက်ဆီဂျင်ထုတ်စက် အလုံး ၂၀၀ ပေးသွားမယ်ဆိုပြီး စင်္ကာပူ အစိုးရရဲ့ နိုင်ငံခြားရေး ဝန်ကြီးဌာနက ဇူလိုင်လ ၂၈ ရက်နေ့ ရက်စွဲနဲ့ ကြေညာပါတယ်။

    စင်္ကာပူ ကြက်ခြေနီ အသင်း SRC ရဲ့ လမ်းကြောင်းကနေတဆင့် အဲဒီ အောက်စီဂျင် ကွန်ဆန်ထရိတ်တာ စက်တွေကို ပေးမှာ ဖြစ်တယ်လို့ ဆိုပါတယ်။

    SRC အနေနဲ့ မြန်မာ ကြက်ခြေနီ အသင်းနဲ့ အတူ လက်တွဲပြီး စင်္ကာပူက ကူညီတဲ့ အောက်ဆီဂျင် စက်တွေကို ကိုဗစ်ဒဏ် ခံနေရတဲ့ မြန်မာ လူမှု အသိုင်းအဝိုင်းတွေထဲ ဖြန့်ဝေ ပေးသွားမယ် ဆိုပြီး စင်္ကာပူ နိုင်ငံခြားရေးဌာနရဲ့ ကြေညာချက်ထဲ တွေ့ရပါတယ်။

    စင်္ကာပူ အစိုးရက မြန်မာကို ကိုဗစ်ရှိမရှိ စစ်တဲ့ PCR စက်တွေ အပါအဝင် စစ်ဆေးရာမှာ လိုအပ်တဲ့ ပစ္စည်းတွေ၊ ဆေးရုံသုံး မျက်နှာအကာအကွယ်တွေ၊ လက်ကိုလိမ်းရတဲ့ ပိုးသတ်ဆေးရည်တွေနဲ့ တခြား ဆေးဘက်ဆိုင်ရာ ပစ္စည်းတွေကို ပေးအပ်ထားနှင့်ပြီး ဖြစ်တယ်လို့လည်း ဆိုပါတယ်။

    ကိုဗစ် နိုင်တင်း ကပ်ရောဂါကို ရင်ဆိုင်နေကြတဲ့ မြန်မာပြည်သူတွေနဲ့ အတူ တသားတည်း ရပ်တည်တယ်လို့လည်း စင်္ကာပူ နိုင်ငံခြားရေးဌာနက ဆိုထားပါတယ်။

    ရေကြီးရေလျှံမှုတွေ ဖြစ်လာတဲ့ အတွက် ကိုဗစ် လူနာကို နေရာရွှေ့ပေးကြစဥ်။ ဇူလိုင် ၂၆၊ မြဝတီမြို့။
    Image caption: ရေကြီးရေလျှံမှုတွေ ဖြစ်လာတဲ့ အတွက် ကိုဗစ် လူနာကို နေရာရွှေ့ပေးကြစဥ်။ ဇူလိုင် ၂၆၊ မြဝတီမြို့။
စာမျက်နှာ 1 ရဲ့ 100