နာရန်ဒြာမိုဒီ

  1. ဒေလီနဲ့ တခြားပြည်နယ်တွေ ဆက်သွယ်ထားတဲ့ အဝေးပြေးလမ်းမကြီးတွေမှာ လယ်သမားတွေ ဆန္ဒပြနေကြ

    လယ်သမားတွေ တစ်နှစ်လောက် ဆန့်ကျင်ဆန္ဒပြနေတဲ့ လယ်ယာဥပဒေတွေကို အိန္ဒိယဝန်ကြီးချုပ် မိုဒီက ပယ်ဖျက်လိုက်တာ ဖြစ်ပါတယ်။

    အပြည့်အစုံ ဖတ်ရန်
    next
  2. မြန်မာအရေး အာဆီယံကြားဝင်ရေးလမ်းကြောင်းကို ထောက်ခံကြောင်း အိန္ဒိယ ထပ်လောင်းပြောကြား

    View more on twitter

    မြန်မာအရေးနဲ့ ပတ်သက်ပြီး အာဆီယံ အထူးသံတမန် ဒါတို အီရာဝန် ယူဆွဖ်နဲ့ အိန္ဒိယ နိုင်ငံခြားရေး ဝန်ကြီး အက်စ် ဂျိုင်ရှန်ကာတို့ ဆက်သွယ် စကားပြောဆို ခဲ့ကြပါတယ်။

    “ဒါတို ဟာဂျီ အီရာဝန်က ဆက်သွယ် ခေါ်ဆိုလာတဲ့ အပေါ် အင်မတန် ဝမ်းမြောက်ပါတယ်။ မြန်မာနိုင်ငံထဲ ဖြစ်ပေါ် နေတဲ့ အခြေအနေတွေနဲ့ ပတ်သက် ပြီးတော့ အမြင်တွေ ဖလှယ်ခဲ့ကြပါတယ်။ မြန်မာအရေး အာဆီယံက ကမကထလုပ် ကြိုးပမ်းနေတဲ့ အပေါ် အိန္ဒိယနိုင်ငံက အပြည့်အဝ ထောက်ခံ အားပေးပါတယ်” ဆိုပြီး အိန္ဒိယ နိုင်ငံခြားရေး ဝန်ကြီး ဒေါက်တာ ဂျိုင်ရှန်ကာက တွစ်တာပေါ်မှာ ရေးပါတယ်။

    မြန်မာနိုင်ငံဆိုင်ရာ အထူးသံတမန် ဒါတို အီရာဝန် ယူဆွဖ်ဟာ အခု ရက်ပိုင်းတွေ အတွင်း ဒေသတွင်း နိုင်ငံတွေ၊ မိတ်ဖက် နိုင်ငံတွေက နိုင်ငံခြားရေး ဝန်ကြီးတွေနဲ့ ဆက်သွယ်ပြီး မြန်မာအရေး သူတို့ရဲ့ အမြင်တွေကို တီးခေါက် ရယူနေပါတယ်။

    မြန်မာ အာဏာသိမ်း စစ်တပ် အပေါ်အိန္ဒိယ မိုဒီ အစိုးရရဲ့ ဆက်ဆံရေးဟာ အနောက်အုပ်စု နိုင်ငံတွေလို ဖိအားပေးရေး လမ်းကြောင်း မဟုတ်ပဲ၊ သဘောထား ပျော့ပြောင်းတာ တွေ့ရတယ်လို့ နိုင်ငံတကာ အကဲခတ်တွေက ပြောကြပါတယ်။

    ပြီးခဲ့တဲ့ ဇွန်လ ၂၈ ရက်၊ ကုလသမဂ္ဂ အထွေထွေညီလာခံမှာ မြန်မာပြည်ထဲ စစ်လက်နက် မပို့ရေး၊ နိုင်ငံရေး အကျဥ်းသားတွေ လွတ်မြောက်ရေး ဆုံးဖြတ်ချက် ချမှတ်တုန်းက မဲထည့်ပဲ ရှောင်နေခဲ့တဲ့ နိုင်ငံတွေထဲ အိန္ဒိယလည်း ပါဝင် ပါတယ်။

    အိန္ဒိယရဲ့ အရှေ့မြောက်ပိုင်း ပြည်နယ်တွေ ဖြစ်တဲ့ အာသံ၊ မဏိပူရ၊ မီဇိုရမ်၊ အာရူနာချာ ပရာဒက်ရှ် ခွဲထွက်ရေး သူပုန်တွေကို ကိုင်တွယ်ရာမှာ မြန်မာ စစ်တပ်ရဲ့ ပူးပေါင်း ဆောင်ရွက်တာတွေကို အိန္ဒိယ အနေနဲ့ လိုအပ်တယ်လို့ အကဲခတ်တွေက ဆိုပါတယ်။

    ဒါတင်မက၊ ပိုပြီး ကျယ်ပြန်တဲ့ “အရှေ့မျှော် မူဝါဒ” လို့ အသိများတဲ့ အနှစ် ၃၀ နီးပါး တည်ဆောက်လာတဲ့ အိန္ဒိယရဲ့ နိုင်ငံခြားရေးနဲ့ စီးပွားရေး ဆိုင်ရာ မဟာဗျူဟာမြောက် မူဝါဒလည်း ရှိနေပါတယ်။

    အရှေ့တောင်အာရှ ဒေသတွင်း တရုတ်ရဲ့ ဩဇာလွှမ်းမိုးမှုကို တန်ပြန်နိုင်ဖို့ အိန္ဒိယရဲ့ ကြိုးပမ်းမှု ဖြစ်ပြီး၊ အဲဒီ ရည်မှန်းချက် အတွက် မြန်မာဟာ ဗျုဟာမြောက် အရေးပါတဲ့ နိုင်ငံဖြစ်ပါတယ်။

    လက်ရှိမှာလည်း အိန္ဒိယ အရှေ့ဘက် ပင်လယ် ဆိပ်ကမ်းမြို့ ကာလ်ကတ္တား ကနေ စစ်တွေအရောက် ကားလမ်းပေါက်ရေး ကုလားတန် စီမံကိန်း အပြင် ၊ အထက်ဘက်မှာ ဆိုရင်လည်း မိုးရေးကနေ မန္တလေးကို ဖြတ်ပြီး၊ ထိုင်းနိုင်ငံ အထိ ပေါက်မယ့် အဝေးပြေးလမ်း စီမံကိန်းရှိနေပါတယ်။

    အဲဒီ စီမံကိန်း ၂ ခု ကို ပြီးမြောက်အောင် အရှိန်မြှင့် လုပ်ကြဖို့ ပြီးခဲ့တဲ့ သီတင်းပတ် အစောပိုင်းကပဲ အိန္ဒိယက ဆော်ဩခဲ့ပါတယ်။

    စစ်အာဏာသိမ်းမှု နောက်ဆက်တွဲ မြန်မာဘက်ကနေ ထွက်ပြေးလာကြတဲ့ သောင်းနဲ့ချီတဲ့ သူတွေဟာ အိန္ဒိယ အနောက်မြောက် ပြည်နယ်တွေမှာ ခိုလှုံ နေကြရပါတယ်။

    မြန်မာ နိုင်ငံဆိုင်ရာ ကုလသမဂ္ဂ အထူး သံတမန် မစ္စ ရှရနာ ဘာဂနာက မြန်မာအရေး နိုင်ငံတကာ စောင့်ကြည့်ရေး အဖွဲ့ ထူထောင် ထားရှိဖို့ ဆော်ဩနေတာမှာ အဲဒီ အနီးကပ် စောင့်ကြည့်ရေး အဖွဲ့ထဲမှာ အိန္ဒိယလည်း ပါဝင်သင့်တယ် ဆိုပြီး အကြံပြု ထားပါတယ်။

    Quote Message: မြန်မာအရေး အာဆီယံက ကမကထလုပ် ကြိုးပမ်းနေတဲ့ အပေါ် အိန္ဒိယနိုင်ငံက အပြည့်အဝ ထောက်ခံ အားပေးပါတယ် from ဒေါက်တာ အက်စ် ဂျိုင်ရှန်ကာ အိန္ဒိယနိုင်ငံခြားရေးဝန်ကြီး
    ဒေါက်တာ အက်စ် ဂျိုင်ရှန်ကာအိန္ဒိယနိုင်ငံခြားရေးဝန်ကြီး
    အိန္ဒိယ နိုင်ငံခြားရေး ဝန်ကြီး ဒေါက်တာ ဂျိုင်ရှန်ကာ
    Image caption: အိန္ဒိယ နိုင်ငံခြားရေး ဝန်ကြီး ဒေါက်တာ ဂျိုင်ရှန်ကာ
  3. အိန္ဒိယ၊ နိုင်ငံသားဖြစ်ခွင့် ဥပဒေသစ်

    နိုင်ငံသားဖြစ်ခွင့် ဥပဒေသစ် ဖျက်သိမ်းပေးရေး တင်ပြလာချက်ကို တုံ့ပြန်ရင်ဆိုင်ဖို့အတွက် လာမယ့်လမတိုင်ခင် ပြင်ဆင်ထားဖို့ အိန္ဒိယအစိုးရကို တရားရုံးချုပ်က ပြောကြားလိုက်ပါတယ်။

    အပြည့်အစုံ ဖတ်ရန်
    next
  4. Video content

    Video caption: အမေရိကန်ရောက် ဝန်ကြီးချုပ်မိုဒီကို ထရမ့်ချီးကျူး

    သမ္မတ ထရမ့်နဲ့ တက္ကဆက်ပြည်နယ်မှာ တွေ့ဆုံခဲ့တဲ့ အိန္ဒိယ ဝန်ကြီးချုပ် နရန်ဒရာမိုဒီကို အိန္ဒိယနွယ်ဖွား အမေရိကန်တွေက သောင်းသောင်းဖြဖြ ကြိုဆိုခဲ့ကြပါတယ်။