အီရတ် မိုဆူးလ်မှာ IS က အရပ်သားတွေ သတ်ဖြတ်နေလို့ ကုလဆို

အီရတ် နိုင်ငံ မိုဆူးလ် မြို့တဝိုက်မှာ IS အစ္စလာမ္မစ် လက်နက်ကိုင်တွေက အရပ်သားတွေကို သတ်ဖြတ်နေတယ်လို့ အတည်မပြုနိုင်တဲ့ သတင်းတွေ ရကြောင်း ကုလ သမဂ္ဂက ဆိုပါတယ်။

တနေရာမှာ လူတွေ ကြောက်လန့် ခြောက်ခြားစေလိုတဲ့ ရည်ရွယ်ချက်နဲ့ လူ ၁၅ ယောက်ကို သတ်ပြတယ်လို့ သတင်းရတယ်လို့ ဆိုပါတယ်။

အမျိုးသမီး ၃ ယောက်နဲ့ မိန်းကလေး ၃ ယောက်ကို IS တွေ သတ်တယ်လို့လည်း သတင်းထွက်နေပါတယ်။

ဒီအမျိုးသမီးတွေက အတင်းအကျပ် ရွှေ့ပြောင်းခံရတဲ့ ကျေးရွာ တရွာက ဖြစ်ပြီး နောက်မှာ ကျန်ခဲ့ရမလားဆိုပြီး အသတ်ခံရတယ်လို့ ဆိုပါတယ်။

ဖမ်းထားတဲ့ ရဲ အရာရှိ ၅ဝ ကျော်ကိုလည်း IS တွေက လွန်ခဲ့တဲ့ ၂ ရက်က သတ်ပစ်တယ်လို့ ယူဆ ရပါတယ်။