သုညမှ အနန္တသို့၊ အနောက်တိုင်းထက်စောတဲ့ အိန္ဒိယရဲ့ သင်္ချာတော်လှန်ရေး

  • မားကပ်စ် ဒူဆော့တွိုင်း
  • ဘီဘီစီ "သင်္ချာ ပုံပြင်"
An explosion of colours

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

အနောက်တိုင်းထက် ရာစုနှစ်ချီ စောပြီး အံ့မခန်း သင်္ချာတွေ့ရှိမှုတွေ ရှိခဲ့တဲ့ အိန္ဒိယ

တရုတ်ပြည်မှာလိုပဲ အိန္ဒိယမှာလည်း ဒသမစနစ်ရဲ့ ကောင်းကျိုးတွေကို ရှေးကတည်းက ရှာဖွေတွေ့ရှိခဲ့ပါတယ်။

အေဒီ ၃ ရာစု ခေတ်လောက်ကတည်းက ဒီစနစ်ကို အဲဒီမှာ စသုံးနေတာပါ။

အခုခေတ် သုံးနေတဲ့ စနစ်နဲ့ အတူတူဖြစ်ပြီး ခုကနေ ဆယ်ရာထောင်သောင်းချီပြီး ရေတွက်တဲ့ စနစ်ဖြစ်ပါတယ်။

ဒသမစနစ်ကို ဘယ်လို ရှာတွေ့တယ် ဆိုတာ မသိရပေမယ့် တိတိကျကျ သပ်သပ်ရပ်ရပ်နဲ့ တကမ္ဘာလုံး သုံးနေတဲ့ တစ်ကနေ ကိုးထိ ရေတဲ့ အခြေခံကို ချပေးခဲ့ပါတယ်။

နောက်ပြီး သုည ဆိုတဲ့ ဂဏန်းသစ်ကိုလည်း သူတို့ ထွင်ခဲ့ကြပါတယ်။

ဗလာနယ်သက်သက်သာ မဟုတ်

ပထမဆုံး သိရတဲ့ အသုံးပြုမှုကို အေဒီ ၉ ရာစုကမှ တွေ့တာ ဖြစ်ပေမယ့် ဒီထက် နှစ်ရာချီ စောပြီး တွေ့ခဲ့ပုံ ပေါ်ပါတယ်။

ဒီထူးဆန်းတဲ့ ကိန်းဂဏန်းကို အိန္ဒိယ အလယ်ပိုင်းက ဂွာလီယား ခံတပ်ကြီးထဲက ဘုရားကျောင်းကလေးရဲ့ နံရံမှာ စတွေ့တာ ဖြစ်ပါတယ်။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

ခံတပ်ကြီးထဲက ဘုရားကျောင်းလေးမှာ သုညကို စသုံးခဲ့

ဒီနေရာမှာ သုညကို တွေ့ရလို့ သင်္ချာသမားတွေရဲ့ အထွတ်အမြတ် နေရာ ဖြစ်လာပါတယ်။

ထူးထူးဆန်းဆန်း အိန္ဒိယက မထွင်ခင်မှာ ဒီကိန်းဂဏန်းက မရှိခဲ့ပါဘူး။

ဓာတ်ပုံ ပုံစာ,

အိန္ဒိယ ဘုရားကျောင်း နံရံက ကမ္ဘာ့ရှေးအကျဆုံး သုည

အီဂျစ်၊ မက်ဆိုပိုးတေးမီးယားနဲ့ တရုတ်မှာ သုညကို ထွင်ခဲ့ပေမယ့် အမှတ်တမှတ်၊ ဗလာနယ်အဖြစ်သာ ထားတာပါ။

အိန္ဒိယမှာမှ သုညကို ဂဏန်းတခု အဖြစ် သတ်မှတ်ခဲ့တာပါ။

ဒီအတွေးအခေါ်သစ်က သင်္ချာမှာ ခုန်ပျံ တော်လှန်ရေးတခု ဖြစ်စေပါတယ်။

ဓာတ်ပုံ ပုံစာ,

မြေပြင်ပေါ် တွက်ချက်မှုအပြီးမှာ အဝိုင်းပုံ ပေါ်လာစေ

အဲဒီကနေ နက္ခတ်ပညာမှာသုံးတဲ့ ကိန်းဂဏန်းတွေ ပေါ်ထွက်လာစေပြီး အင်မတန် အသုံးကျခဲ့ပါတယ်။

ဘာကြောင့် သုညကို ထွင်ခဲ့သလဲ

ဘယ်တော့မှ အတိအကျ သိရမှာ မဟုတ်ပေမယ့် မြေကြီးပေါ်မှာ ကျောက်ခဲနဲ့ ဖြစ်ပြီး တွက်ချက်တာကနေ သုညကို တီထွင် သုံးစွဲလာတာ ဖြစ်နိုင်ပါတယ်။

ကျောက်တုံးတွေကို ဖယ်လိုက်တော့ မြေပြင်မှာ အဝိုင်းပုံ အမှတ် ကျန်ခဲ့ပြီး တခုခုကနေ ဘာမှ မရှိတော့တဲ့ လက္ခဏာကို ဆောင်လာပါတယ်။

ယဉ်ကျေးမှု အရလည်း ဒီကိန်းဂဏန်းကို ထွင်တဲ့ အကြောင်း ရှိမှာပါ။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

ဗုဒ္ဓဘာသာနဲ့ ဟိန္ဒူအယူမှာ အလေးအမြတ်ထားတဲ့ သုည မုဒြာ၊ သက္ကတအလိုအရ သုညကို ဗလာဖြစ်မှု၊ အပွင့် သို့မဟုတ် ဟင်းလင်းပြင်လို့ ဖွင့်ဆို

ဘာမှမရှိမှုနဲ့ ထာဝရ ဖြစ်တည်မှုတွေဟာ အိန္ဒိယ ရှေးဟောင်း ယုံကြည်မှု စနစ်မှာ အရေးပါပါတယ်။

ဟိန္ဒူရော ဗုဒ္ဓဘာသာဝင်တွေရော အတွက် ကျမ်းစာတွေမှာ ဘာမှ မရှိမှုကို ဖော်ပြကြပါတယ်။

ဒါကြောင့် ဒီလို ယဉ်ကျေးမှုမျိုး ထွန်းကားတဲ့ နယ်မြေမှာ သုည ထွန်းကားခဲ့တာ ဆန်းတဲ့ကိစ္စမဟုတ်ပါဘူး။

ဓာတ်ပုံ ပုံစာ,

သုညကို ထွင်ပြီး သင်္ချာတိုးတက်မှုမှာ ခုန်တက်လာ

ဘာမှမရှိမှု၊ လစ်ဟာမှုကို ကိုယ်စားပြုတဲ့ စကား သုညကိုတောင် အိန္ဒိယက တီထွင်ပြီး သင်္ချာမှာ ဝေါဟာရသစ် ထွင်ခဲ့ပါတယ်။

သုညမှ အနန္တသို့

အေဒီ ၇ ရာစုမှာ အိန္ဒိယက ထင်ရှားတဲ့ သင်္ချာပညာရှင် ဗြဟ္မဂုပ္ပတ္တက သုညရဲ့ အရေးပါတဲ့ ဂုဏ်သတ္တိတွေကို ထုတ်ပြခဲ့ပါတယ်။

သူပြသခဲ့တဲ့ သုညပါတဲ့ အခြေခံ တွက်ချက်နည်းတွေကို ခုထိ ကမ္ဘာတဝှမ်းက ကျောင်းတွေမှာ သင်နေကြဆဲ ဖြစ်ပါတယ်။

+=

-=

x =

ဒါပေမဲ့ တစ်ကို သုညနဲ့ စားဖို့ကြိုးစားရင်း အသစ်တခု တွေ့ရှိခဲ့ပါတယ်။

ဘယ်ဂဏန်းကို သုညနဲ့ မြှောက်ရင် တစ် ရမလဲ။

ဒီအဖြေကို ရှာရင်း သင်္ချာရဲ့ သဘောတရားသစ်တခုကို တွေ့ခဲ့ပါတယ်။ အနန္တပါ။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

အနန္တ သဘောတရားနဲ့ သုညကို စားတဲ့ပြဿနာကို ဖြေရှင်းခဲ့

ဒါမှသာ သုညကို စားတဲ့ ကိစ္စကို ဖြေရှင်းနိုင်မှာ ဖြစ်ပါတယ်။

၁၂ ရာစုက အိန္ဒိယ သင်္ချာ ပညာရှင် ဘက်စကရာရဲ့ ကြံဆမှုနဲ့ ဒီ အနန္တကို သိရှိခဲ့တာပါ။

ဘယ်လို

သစ်သီးတလုံးကို ယူပြီး ဓားနဲ့ အလယ်က ခွဲရင် နှစ်ပိုင်း ရပါတယ်။

နှစ်ခါစိတ်ရင်တော့ သုံးပိုင်းရမှာပေါ့။

နောက်ထပ် ပိုသေးပြီး စိတ်လေ၊ ဒီထက်သေးတဲ့ အစိတ်ကလေးတွေ ရလေပါပဲ။

ဒီလိုနဲ့ အနန္တ အစိတ်အပိုင်းထိ ရပါလိမ့်မယ်။

ဒါကြောင့် ဘက်စကရာက တစ်ကို သုညနဲ့ စားရင် အနန္တ ရတယ်လို့ ကြံဆခဲ့ပါတယ်။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

ခွဲခြမ်းရင်းနဲ့ အနန္တ အစိတ်အပိုင်းထိ ရလိမ့်မယ်

ဒါပေမဲ့ သုညကို သုံးပြီး တွက်ချက်တဲ့အခါမှာ ဒီထက်ပိုတွေ့လာပါတယ်။

သုံးထဲက သုံးကို နုတ်ရင် သုညရတယ်လို့ လက်ခံရင် သုံးထဲက လေးကို နုတ်ရင် ဘာရသလဲ။

ဘာမှ မကျန်ဘူး ထင်ရပေမယ့် အိန္ဒိယရဲ့ ကြံဆမှုကြောင့် အနုတ်ကိန်းဂဏန်းတွေ ပေါ်လာပါတယ်။

အိန္ဒိယသားတွေက သုညနဲ့ အနုတ်ကိန်းတွေကို ကြံဆနိုင်တာဟာ ဒါတွေကို ဒြပ်မဲ့ သဘောဆောင်တယ်လို့ ယူဆလို့ ဖြစ်ပါတယ်။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

အိန္ဒိယသားတွေက ကိန်းဂဏန်းတွေကို ဒြပ်မဲ့ သဘောဆောင်တယ်လို့ ယူဆ

ကိန်းဂဏန်းဆိုတာ ရေတွက် တိုင်းတာရုံသာမက သူတို့မှာ အသက်ရှိတယ်၊ တကယ့်ကမ္ဘာနဲ့ မဆက်စပ်ဘဲ မျောလွင့်နေပါတယ်။

ဒီလို အတွေးစတွေကနေ သင်္ချာ စိတ်ကူးသစ်တွေ ပေါက်ဖွားလာစေပါတယ်။

X နဲ့ Y

အိန္ဒိယရဲ့ သင်္ချာကို ဒြပ်မဲ့ ချဉ်းကပ်နည်းကနေ ထပ်ကိန်းတွေပါတဲ့ ဂဏန်းလေးလုံး ညီမျှခြင်းတွေကို ဖြေရှင်းတွက်ချက်ဖို့ နည်းသစ်တွေ ရခဲ့ပါတယ်။

ဂဏန်းလေးလုံး ညီမျှခြင်းတွေမှာ အဖြေ နှစ်ခု အမြဲရှိတယ်လို့ ဗြဟ္မဂုပ္ပတ္တရဲ့ အနုတ်ကိန်းတွေကို သဘောပေါက်မှုကနေ သိလာစေခဲ့ပါတယ်။ ဒီထဲက တခုက အနုတ်ကိန်း ဖြစ်နိုင်ပါတယ်။

ကိန်းရှင် နှစ်ခုပါတဲ့ ညီမျှခြင်းတွေကို ဖြေရှင်းဖို့လည်း သူက ဒီထက် ပိုရှာဖွေခဲ့ပါတယ်။

အနောက်တိုင်းမှာတော့ ဒီတွေ့ရှိမှုက ၁၆၅၇ မှ ဖြစ်လာတာပါ။ ပြင်သစ် သင်္ချာပညာရှင် ပီယဲဒီဖယ်မက အိန္ဒိယ ပညာရှင် အနှစ်တထောင်က တွေ့ခဲ့တာကို သတိမထားမိဘဲ ပြန်တင်ပြခဲ့ပါတယ်။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

ဂဏန်းလေးလုံး ညီမျှခြင်း ပြဿနာကို ပီယဲဒီဖယ်မ က ၁၆၅၇ က အဖြေရှာခဲ့

ဒီညီမျှခြင်းတွေကို ဖြေရှင်းရာမှာလည်း လိုအပ်တဲ့ စကားလုံးသစ်တွေကို တီထွင်ခဲ့ပါတယ်။

သူ့ရဲ့ တွက်ချက်မှုကို ပြဖို့ နည်းတွေရှာရင်း ကိန်းရှင်တွေကို ကိုယ်စားပြုတဲ့ စာလုံးနှစ်လုံးကို ဒီဖယ်မက သုံးခဲ့တာပါ။

ဒါကြောင့် X နဲ့ Y ကို သုံးပြီး ကနေ့အထိ ဖြေရှင်းနေကြတာ ဖြစ်ပါတယ်။

ဒီမှာတင် မပြီးသေး

အိန္ဒိယ သင်္ချာပညာရှင်တွေ တွေ့ရှိခဲ့တဲ့ ထရီဂိုနိုမက်ထရီ တွေ့ရှိချက်တွေလည်း ရှိပါတယ်။

ဓာတ်ပုံ ပုံစာ,

ကမ္ဘာမြေ၊ လနဲ့နေကြားက အကွာအဝေးကို ထရီဂိုနိုမက်ထရီ သုံးပြီး အိန္ဒိယ နက္ခတ်ပညာရှင်တွေ တွက်နိုင်ခဲ့

ဂဲသြမေတြီကို ကိန်းဂဏန်းတွေနဲ့ ပြန်ဆိုနိုင်တဲ့ အဘိဓာန်ကို ဂရိတွေက ပထမဆုံး စရေးခဲ့တယ်ဆိုတာတော့ ဟုတ်ပါတယ်။

ဒါပေမဲ့ အိန္ဒိယကတော့ အဲဒီထက် ပိုတိုးတက်ပါတယ်။

ထရီဂိုနိုမက်ထရီကို သုံးပြီး သူတို့ဘေးပတ်လည်က ကမ္ဘာကြီးကို လေ့လာဖို့ ကြိုးစားပါတယ်။ ဒီထဲမှာ ပင်လယ်ပြင်မှာ လမ်းညွှန်တာ၊ အာကာသ အကွာအဝေးတွေ တွက်ချက်တာတွေ ပါပါတယ်။

ကမ္ဘာနဲ့လ၊ ကမ္ဘာနဲ့နေကြားက အကွာအဝေးတွေကိုလည်း အိန္ဒိယ သင်္ချာပညာရှင်တွေ တွက်ချက်ခဲ့ကြပါတယ်။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

နားလည်ရခက်တဲ့ပိုင်

နောက် သင်္ချာမှာ အရေးကြီးဆုံး ကိန်းဂဏန်းတခုရဲ့ ပဟေဠိကိုလည်း အိန္ဒိယမှာပဲ ဖြေရှင်းခဲ့ပါတယ်။ ဒါက ပိုင် ဖြစ်ပါတယ်။

ပိုင် ဆိုတာ စက်ဝိုင်းတခုရဲ့ အဝန်းနဲ့ အချင်းကြားက အချိုးတန်ဖိုးပါ။

အင်ဂျင်နီယာတွေ၊ ဗိသုကာတွေ အတွက် အထူးအသုံးကျတဲ့ တွက်ချက်မှုတွေမှာ ပိုင် ပါပါတယ်။ အခုံးတွေကို တိုင်းရရင် ပိုင်က အမြဲ လိုနေလို့ ဖြစ်ပါတယ်။

ရာစုနှစ်တွေနဲ့ချီပြီး သင်္ချာသမားတွေက ပိုင်ရဲ့ တန်ဖိုးကို တိတိကျကျ ရဖို့ ကြိုးစားခဲ့ကြပါတယ်။

အေဒီ ၆ ရာစုက အိန္ဒိယ ပညာရှင် အာရဗြတက ပိုင်ရဲ့ တန်ဖိုးကို ၃.၁၄၁၆ လို့ တော်တော်တိတိကျကျ တွက်ချက်နိုင်ခဲ့ပါတယ်။

နောက်ပြီး ကမ္ဘာရဲ့ အဝန်းကိုလည်း ပိုင်ကို သုံးပြီး သူတိုင်းထွာခဲ့ပါတယ်။ ကီလိုမီတာ ၃၉၉၆၈ ပါ။ ဒီကိန်းဂဏန်းက အခုသိထားတဲ့ ၄ဝဝ၇၅ ကီလိုမီတာနဲ့ တော်တော်နီးစပ်ပါတယ်။

ဓာတ်ပုံ ရင်းမြစ်, Getty Images

ဓာတ်ပုံ ပုံစာ,

ပိုင်ရဲ့တန်ဖိုးကို ဖော်ထုတ်တဲ့နည်းက ဥရောပရဲ့ အောင်မြင်မှု

နောက်ပြီး ကွဲပြားတဲ့ အပိုင်းကိန်းတွေကို ဖြည့်လိုက်နုတ်လိုက် လုပ်ရင်း ပိုင်ကို သေချာပေါက် တွက်ချက်နိုင်တဲ့ တွက်နည်းတခု ပေါ်နိုင်တယ် ဆိုပြီး အိန္ဒိယက မာထဗက သဘောပေါက်ခဲ့တာပါ။

ဒါပေမဲ့ ဒါကို ၁၇ ရာစုက ဂျာမန် ပညာရှင် ဂေါ်ဖရီ ဗီလ်ဟမ် လိုက်ပနစ်ဇ်က တီထွင်တယ်လို့ပဲ ကမ္ဘာတလွှားက တက္ကသိုလ်အများအပြားမှာ သင်နေကြဆဲ ဖြစ်ပါတယ်။