ပါကစ္စတန် ရဟတ်ယာဉ် ပျက်ကျ၊ သံတမန် အချို့ သေဆုံး

ဓာတ်ပုံ မူပိုင် AFP
Image caption ဒဏ်ရာရသူတွေကို စစ်ဆေးရုံကို သယ်ဆောင်လာ။

ပါကစ္စတန် နိုင်ငံ မြောက်ပိုင်းက တောင်ထူထပ်တဲ့ ဒေသမှာ စစ်ဘက် ရဟတ်ယာဉ် တစ်စင်း ပျက်ကျ သွားတဲ့ အတွက် နော်ဝေးနဲ့ ဖိလစ်ပိုင် နိုင်ငံတွေက သံအမတ်ကြီးတွေ အပါအဝင် လူ ၇ ဦး သေဆုံး သွားခဲ့တယ်လို့ သိရပါတယ်။

သေဆုံးသူတွေ ထဲမှာ အင်ဒိုနီးရှားနဲ့ မလေးရှား သံတမန်တွေရဲ့ ဇနီးသည်တွေလည်း ပါဝင်ပြီး ရဟတ်ယာဉ်မှူး ၂ ဦးနဲ့ လေယာဉ် ဝန်ထမ်း တစ်ဦးလည်း ပါဝင်ပါတယ်။

ပိုလန်နဲ့ ဒတ်ရှ် သံအမတ်တွေ အပါအဝင် တခြား လူ ၅ ဦး ဒဏ်ရာ ရခဲ့တယ်လို့ ပါကစ္စတန် စစ်ဘက် ပြောခွင့်ရသူက ဆိုပါတယ်။

အဲဒီ MI-17 ရဟတ်ယာဉ် ပေါ်မှာ နိုင်ငံခြားသား ၁၁ ယောက်နဲ့ ပါကစ္စတန် ၆ ယောက် လိုက်ပါခဲ့တယ်လို့ သူက ပြောပါတယ်။

ဒီရဟတ်ယာဉ်ကို ပါကစ္စတန် တာလီဘန်တွေက သူတို့ ပစ်ချခဲ့တာလို့ ပြောပေမယ့် ပါကစ္စတန် အစိုးရကတော့ ပစ်ချခံရတာ မဟုတ်ကြောင်း ငြင်းဆို ထားပါတယ်။

အစောပိုင်း အစီရင်ခံစာတွေ အရ ဒါဟာ မတော်တဆမှုသာ ဖြစ်တယ်လို့ ပါကစ္စတန် ကာကွယ်ရေး ဝန်ကြီး Khawaja Asif က ပြောပါတယ်။

ဒီသတင်းနဲ့ပတ်သက်သမျှ