Arestio tri wedi lladrad

  • 27 Medi 2011
Plismones Image copyright bbc

Mae tri dyn wedi cael eu harestio yn dilyn lladrad mewn banc ym Mhrestatyn fore Mawrth.

Cafodd heddlu eu galw i fanc Santander ar Stryd Fawr y dref am 5:42am.

Aeth hofrennydd a chŵn yr heddlu ynghyd â nifer o blismyn i'r digwyddiad, ac yn dilyn cyrch fe gafodd tri dyn eu harestio.

Mae'r tri - sy'n 30, 31 a 34 oed - i gyd yn byw yn lleol, ac wedi cael eu harestio ar amheuaeth o fwrgleriaeth.

Maen nhw'n disgwyl i gael eu holi yng ngorsaf heddlu Llanelwy.