Pafiliwn Corwen: Gohirio achos

Pafiliwn Corwen Image copyright (C) British Broadcasting Corporation
Image caption Fe fydd penderfyniad terfynol mewn achos llys ym mis Rhagfyr

Mae barnwr wedi penderfynu gohirio achos Pafiliwn Corwen cyn penderfynu'n derfynol ym mis Rhagfyr.

Ddydd Mercher roedd trafodaeth a ddylai gwaharddeb i atal dymchwel Pafiliwn Corwen fod mewn grym neu beidio.

Roedd y gwrandawiad yn Llys Sirol yr Wyddgrug.

Cafodd gwrandawiad cyfreithiol yn ymwneud â Chyngor Sir Ddinbych a chyfreithwyr grŵp cymunedol ei ohirio ddydd Mawrth.

Ym mis Ebrill llwyddodd ymgyrchwyr wrth gael gwaharddeb i atal cynlluniau'r cyngor i ddymchwel y pafiliwn gafodd ei adeiladu ym 1911.

Ymgyrchwyr

Y Barnwr Nicholas Chambers QC benderfynodd ohirio'r achos ddydd Mercher.

Mae'r cyngor sir yn awyddus i ddymchwel yr hen adeilad ond mae ymgyrchwyr wedi dadlau bod modd achub yr adeilad.

Fe gaeodd y pafiliwn yn ddirybudd ym mis Mawrth 2010 oherwydd pryderon am asbestos a namau trydanol.

Dywedodd ymgyrchwyr fod modd gwneud yr adeilad yn ddiogel am ryw £60,000.

Roedd Cyngor Sir Ddinbych o'r farn fod angen gwario rhwng hyd at £3m ar godi adeilad newydd.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.