Cynghrair is i'r Crusaders efo enw newydd?

Cyhoeddodd y clwb yn gynharach eleni nad oedden nhw am aros yn y Superleague

Mae cefnogwyr tîm rygbi'r gynghrair Y Crusaders wedi cefnogi'n unfrydol cynlluniau i fod yn rhan o Adran Gyntaf Cynghrair y Cooperative y flwyddyn nesaf.

Mae Clwb Cefnogwyr y Crusaders a Save the Cru, yn creu clwb newydd ar gyfer tymor 2012.

Maen nhw'n galw ar y cefnogwyr i bleidleisio ar-lein am enw newydd i'r tîm fydd yn chwarae yn Wrecsam.

Y tri dewis yw Crusaders Glyndŵr, Crusaders Cambrian neu Crusaders Gogledd Cymru.

Daeth y penderfyniad i barhau i chwarae mewn cyfarfod agored o tua 120 o gefnogwyr nos Iau.

Mae'r cefnogwyr yn awyddus i gadw'r Crusaders fel rhan o'r enw.

Bydd rhaid pleidleisio cyn 11am ddydd Gwener Hydref 7.

Buddsoddiad

Y cyfarfod nos Iau oedd y cyntaf ac fe drafodwyd lleoliad chware, chwaraewyr a chyllid.

Y tebygrwydd yw y bydd y clwb yn parhau i chwarae ar y Cae Ras gan eu bod yn hyderus bod y cytundeb gyda Phrifysgol Glyndŵr - perchnogion y cae - yn addas ac yn ddilys.

"Mae 'na sawl cam i'w wyneb ond rydym yn ffyddiog y bydd y clwb yn cychwyn gyda'r un math o gefnogaeth â Rochdale a Hunslet sydd wedi gwneud yn dda heb yr un perchennog unigol," meddai

"Rydym yn chwilio am fuddsoddiad ac fe fydd 'na gyfle i gefnogwyr gyfrannu tuag ar "gyfranddaliadau".

Fe fydd y corff sy'n rheoli Rygbi'r Gynghrair yn ystyried cais newydd y clwb i chwarae ar lefel is nag yr oedden nhw eleni yn y Superleague.

Byddai hynny yn gweld y tîm yn wynebu Scorpions De Cymru.

Hwn fyddai'r tro cyntaf mew 102 o flynyddoedd i ddau dîm proffesiynol o Gymru wynebu ei gilydd.