Hofrennydd yn achub dyn o afon
- Cyhoeddwyd
Mae canŵydd wedi ei gludo i'r ysbyty gan hofrennydd ar ôl iddo fynd i drafferthion ar afon yng Nghonwy.
Dywedodd Heddlu Gogledd Cymru fod y canŵydd wedi ei godi o raeadr ar yr afon Llugwy ym Mhont Cyfyng ger Capel Curig ac wedi ei gludo i Ysbyty Gwynedd ym Mangor.
Y gred yw bod y canŵydd mewn cyflwr sefydlog.
Cafodd Gwasanaeth Tân ac Achub Gogledd Cymru a thîm Achub Dyffryn Ogwen eu galw i gynorthwyo'r heddlu ddydd Sul.
Dolenni perthnasol ar y we
Dyw'r BBC ddim yn gyfrifol am gynnwys gwefannau allanol