Tân yn dinistrio clwb
- Cyhoeddwyd
Mae tân wedi dinistrio clwb cymdeithasol yn Llansamlet, Abertawe.
Doedd neb yno ar y pryd.
Fe gafodd dynion tân eu galw i Glwb y Four Seasons yn Heol Trallwn am 3:57am.
Yn wreiddiol, fe gafodd chwe chriw eu galw.
Yn Awst 2010 yn y clwb daethpwyd o hyd i hyd at 3,000 o blanhigion canabis oedd yn werth £1m, meddai'r heddlu.
Yn y cyfamser, aed ag unigolyn i'r ysbyty wedi tân mewn cegin yn Neiniolen, Gwynedd.
Fe gafodd dynion tân eu galw am 6.13am.
Dywedodd llefarydd ar ran y Gwasanaeth Tân: "Mi oedd y tân yn ddamweiniol ac aed ag unigolyn i'r ysbyty am archwiliad rhag ofn."