BBC Cymru Fyw

Sadwrn cymysg i Wrecsam a Chasnewydd

Published
image copyrightbbc

Ar brynhawn cymysg i'r ddau dîm o Gymru yn Uwchgynghrair y Blue Square, fe arhosodd Wrecsam ar frig y tabl.

Sgoriodd Nat Knight Percival ddwywaith i'r Driegiau mewn buddugoliaeth ysgubol o 4-0 yn erbyn Stockport.

Andy Morrell a Jake Speight gafodd y ddwy gol arall.

Roedd Casnewydd yn obeithiol yn dilyn y fuddugoliaeth yn Fleetwood ganol wythnos, ond siom gafodd y cefnogwyr ar eu tomen eu hunain.

Tamworth oedd yr ymwelwyr i Barc Sbytty, ac fe aeth yr ymwelwyr ar y blaen gyda gôl gan Kieron St Aimie yn fuan wedi'r egwyl.

Dyblwyd y fantais ar yr awr gan Iyseden Christie, a gôl gysur yn unig oedd cynnig hwyr Darryl Knights i dîm Justin Edinburgh.

Canlyniad :-

Casnewydd 1-2 Tamworth