Diwrnod cyntaf y Cwpan LV=

Cwpan LV Image copyright Other

Roedd hi'n ddiwrnod sobor i rygbi Cymru o safbwynt y rhanbarthau yn ogystal â'r tîm cenedlaethol.

Roedd y pedwar rhanbarth yn cystadlu yn Nghwpan LV= - yr hen gwpan Eingl Gymreig - a dim ond y Scarlets gafodd fuddugoliaeth.

Dreigiau Gwent oedd y tîm cyntaf i herio'r gwrthwynebwyr o Loegr, ac fe gawson nhw wers gan yr ymwelwyr o Gaerfaddon.

Sgoriodd yr ymwelwyr saith cais i un y Dreigiau, ac roedden nhw'n fuddugol o 46-16.

Yna gyda'r nos fe ddaeth dau o'r tri arall o flaen eu gwell.

Roedd y Gweilch ar daith i Gaerwysg ond dim ond o giciau cosb y llwyddodd y Gweilch i sgorio gan golli o 35-9.

Un gic gosb yn unig gafodd y Gleision oddi cartref yn Newcastle. Llwyddodd y tîm cartref i sgorio pum cais wrth ennill o 33-3.

Ond llwyddodd y Scarlets wella rhywfaint ar ddiwrnod rygbi Cymru.

Caerlŷr oedd yr ymwelwyr ar Barc y Scarlets, ac roedd yna fuddugoliaeth ysgubol i'r Cymry o 31-3.

Canlyniadau :-

Dreigiau 16-46 Caerfaddon

Scarlets 31-3 Caerlŷr

Newcastle 33-3 Gleision

Caerwysg 35-9 Gweilch