Gwaharddiad tair wythnos i Justin Tipuric o'r Gweilch

  • 18 Hydref 2011
Justin Tipuric Image copyright bbc
Image caption Bydd gwaharddiad Tipuric yn para tair wythnos

Mae blaen asgellwr a chapten dros dro'r Gweilch, Justin Tipuric, wedi ei wahardd am dair wythnos ar ôl ei gael yn euog o dacl peryglus 10 niwrnod yn ôl.

Derbyniodd cerdyn melyn am y drosedd yn erbyn Ian Keatey o dîm Munster.

Ond penderfynodd comisiwn disgyblaethol y Pro12 ei fod wedi haeddu cerdyn coch.

Bydd Tipuric felly yn methu'r gêm yng Nghwpan LV yn erbyn Northampton a hefyd ymweliad i Glasgow yng nghystadleuaeth Pro12.

Cafodd prop Munster, BJ Botha, ei glirio o benio yn yr un gêm.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.