Dau gwmni yn rhan o ymchwiliad prifysgol

Mae cwmni cyfrifeg a thîm cyfreithiol yn cynorthwyo Prifysgol Aberystwyth i ymchwilio i weithgareddau masnachol a gweithredol sy'n ymwneud â stadau'r coleg.

Fe ddaeth nifer o faterion i'r amlwg wedi i'r is-ganghellor newydd, yr Athro April McMahon, orchymyn cynnal adolygiad mewnol yn gynharach yn y mis.

Cwmni cyfrifeg Deloitte a chwmni cyfreithiol Eversheds fydd yn cynorthwyo'r brifysgol.

Dyw'r heddlu ddim yn rhan o'r ymchwiliad.

Mae disgwyl i'r ymchwiliad gael ei gwblhau yn gynnar y flwyddyn nesaf.

Dywed y brifysgol fod aelodau staff yn cydweithio gyda'r ymchwiliadau.