BBC Cymru Fyw

Uwchgynghrair Cymru

Published
image copyrightNot Specified

Mae'r Seintiau Newydd ar frig Uwchgynghrair Cymru ar ol curo Port Talbot 3-2.

Wythnos wedi iddyn nhw ddringo i'r ail safle yn Uwchgynghrair Cymru, fe gafodd Llanelli noson rwystredig nos Wener.

Roedd tîm yn teithio i wynebu'r cymdogion agosaf, Lido Afan, oedd yn nawfed ar ddechrau'r noson.

Ond er fod disgwyl i Lanelli ennill, fe gafwyd gêm ddi-sgor yno.

Yn y gêm arall chwaraewyd nos Wener, roedd buddugoliaeth oedd efallai ychydig yn annisgwyl i Airbus UK Brychdyn.

Prestatyn oedd yr ymwelwyr, ond aeth Airbus ar y blaen wedi dim ond pedwar munud diolch i gynnig Glenn Rule.

Steve Rogers ddaeth â Phrestatyn yn gyfartal wedi 14 munud.

Ond fe ddaeth y gol a gipiodd y triphwynt i Frychdyn yn yr ail hanner.

Gavin Cadwallader gafodd y gol hollbwysig wedi 67 o funudau.

I ychwanegu at noson wael Prestatyn, fe gafodd eu hamddiffynwr Martin Beattie y cerdyn coch yn y funud olaf.

Canlyniadau

Nos Wener:-

Lido Afan 0-0 Llanelli

Airbus UK Brychdyn 2-1 Prestatyn

Dydd Sadwrn:-

Caerfyrddin 0-1 Y Bala

Y Drenewydd 1-2 Aberystwyth

Seintiau Newydd 3-2 Port Talbot

Bangor City v Castell-nedd

Tabl Uwchgynghrair Corbett Sports