Dyn wedi marw wedi damwain ym Meifiod

Map o'r ardal Image copyright bbc

Bu farw dyn 28 oed mewn damwain ffordd ym Mhowys.

Fe ddigwyddodd y ddamwain ar yr A495 y tu allan i bentref Meifod rhwng 9pm a 9.30pm nos Sul.

Un cerbyd oedd yn rhan o'r digwyddiad.

Mae teulu'r dyn wedi cael gwybod.

Aed â dyn arall i'r ysbyty a dydi ei anafiadau ddim yn rhai angheuol.

Mae Heddlu Dyfed Powys yn apelio am dystion neu unrhyw un sydd â gwybodaeth i gysylltu gyda nhw yn y Swyddfa yn Y Drenewydd ar 101.

Mae'r Crwner wedi ei hysbysu o'r farwolaeth.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.