Ymchwilio i ddwyn arian o giosgau ffôn

Image copyright (C) British Broadcasting Corporation

Image caption Cafodd arian ei ddwyn o sawl ciosg yn y canolabrth

Mae Heddlu Dyfed Powys yn ymchwilio i gyfres o ladradau arian o giosgau ffôn.

Fe ddigwyddodd y troseddau yma nos Fawrth Hydref 25.

Roedd y digwyddiadau yng nghanol tref Aberystwyth ac mewn sawl pentref ar hyd ffordd yr A487 cyn belled â Synod Inn yn y de.

Mae tri dyn a gafodd eu harestio mewn cysylltiad â'r digwyddiad wedi cael eu rhyddhau ar fechnïaeth.

Roedden nhw'n teithio mewn car VW Golf arian.

Mae'r heddlu yn awyddus i glywed gan unrhyw un a allai fod wedi gweld y car yma neu'r dynion yn ymddwyn yn amheus yn ystod nos Iau i gysylltu gyda'r heddlu yn Aberystwyth ar 101.