Cwpan Carling: Enwau allan o'r het

Joe Mason yn dathlu ei gôl nos Fawrth

Ar ôl i Gaerdydd gyrraedd wyth olaf Cwpan Carling am y tro cyntaf ers 46 o flynyddoedd, fe fyddan nhw nawr yn wynebu Blackburn yn Stadiwm Dinas Caerdydd.

Roedd yr Adar Gleision yn fuddugol o gôl i ddim yn erbyn Burnley yn y bedwaredd rownd nos Fawrth yn Stadiwm Dinas Caerdydd.

Daeth unig gôl y gêm bum munud cyn yr egwyl.

Daeth Don Cowie o hyd i Joe Mason gyda'i bas, a Mason yn rhwydo o ymyl y cwrt cosbi i gornel y rhwyd.

Dyma fydd y gemau yn y rownd nesaf, i'w chwarae yn yr wythnos yn dechrau Tachwedd 28:

Arsenal v Manchester City

Chelsea v Lerpwl

Manchester United v Crystal Palace

Caerdydd v Blackburn