E.coli: Cau gwelyau cregyn pysgod

Cregyn gleision (cyffredinol) Image copyright Other
Image caption Glaw trwm sydd wedi ei feio am y lefelau uchel o e.coli yn Sir Benfro

Mae dau wely pysgod cregyn yn Sir Benfro wedi eu cau dros dro wedi i samplau brofi'n bositif am e.coli.

Mae pobl wedi eu rhybuddio i beidio cymryd wystrys o'r ardal rhwng Pont Cleddau a Phwynt Picton na chasglu cregyn gleision o Lawrenni.

Ni ddylai pobl fwyta unrhyw bysgod cregyn gan gynnwys cocos tan i'r gwelyau ail agor.

Yn gynharach yr wythnos hon fe gafodd gwelyau cocos ar Gilfach y Tywyn eu cau dros dro wedi i samplau brofi'n bositif am e.coli.

Mwy o brofion

Dywedodd Cyngor Sir Penfro mai'r rheswm am y lefelau uwch na'r arfer o e.coli oedd y cyfnod o law trwm diweddar.

Dywed y cyngor y byddai mwy o brofion yn cael eu cynnal ac y byddai'r gwelyau yn cael eu hail agor cyn gynted ag y byddai'r samplau yn dychwelyd i'r lefelau arferol.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.