Cefnogwr: Rhyddhau pedwar dyn

Image copyright Wales News Service

Image caption Cafodd Michael Dye anafiadau marwol cyn y gêm yn Wembley fis Medi

Mae pedwar dyn gafodd eu harestio mewn perthynas â marwolaeth cefnogwr pêl-droed o Gymru wedi cael eu rhyddhau rhag eu mechnïaeth.

Cadarnhaodd Heddlu Llundain na fyddai camau pellach yn cael eu cymryd yn eu herbyn.

Bu farw Mike Dye y tu allan i Stadiwm Wembley cyn y gêm rhwng Cymru a Lloegr ym mis Medi.

Mae un dyn - Ian Mytton o Redditch - wedi cael ei gyhuddo o ddynladdiad ac mae disgwyl iddo bledio yn y llys yn ddiweddarach y mis hwn.