Dau wedi marw wedi tân mewn ffermdy yn sir y Fflint

Mae 'na ymchwiliad ar y gweill wedi tân mewn ffermdy ger Treffynnon yn Sir y Fflint yn oriau mân y bore.

Daeth cadarnhad fod dau gorff, dyn a dynes, wedi eu darganfod yn yr adeilad.

Cafodd y gwasanaethau brys eu galw i'r adeilad ar Fferm Gors ym mhentref Babell am 1.45am gan aelod o'r cyhoedd.

Roedd diffoddwyr o Dreffynnon, Y Fflint a Glannau Dyfrdwy wedi eu hanfon - ac uned arbennig o'r Rhyl.

Ar hyn o bryd mae'r ardal wedi ei chau.

Mae Patholegydd y Swyddfa Gartref, Brian Rogers, wedi cael ei alw i'r safle.

Yn y cyfamser, mae Gwasanaeth Tân Gogledd Cymru a Heddlu Gogledd Cymru yn ymchwilio.