Afghanistan: Dau filwr wedi'u lladd

Is-gapten David Boyce ac is-gorporal Richard Scanlon Image copyright Other
Image caption Cafodd y ddau filwr eu lladd yn nhalaith Helmand

Mae'r Weinyddiaeth Amddiffyn wedi cyhoeddi enwau dau filwr fu farw pan drawyd eu cerbyd gan ffrwydrad yn Afghanistan.

Roedd is-gapten David Boyce ac is-gorporal Richard Scanlon yn aelodau o Warchodlu Dragwniaid y Frenhines yn nhalaith Helmand.

Erbyn hyn mae 388 o aelodau Lluoedd Arfog Prydain wedi eu lladd yn Afghanistan er 2001.

Cafodd is-gapten Boyce, 25 oed, o Welwyn Garden City o Swydd Hertford ac is-gorporal Scanlon, 31 oed o Rymni, Gwent eu lladd yn ardal Yakchal o Nahr-e Saraj yn nhalaith Heland.

Straeon perthnasol