Wrecsam yn dal ar y brig
- Cyhoeddwyd
Wrecsam 2-0 Lincoln
Grimsby 2-2 Casnewydd
Mae Wrecsam yn dal i arwain Uwchgynghrair Blue Square ar ôl i Mattias Pogba sgorio dwy gôl yn erbyn Lincoln.
Mae 'na chwe gêm bellach ers i'r Dreigiau ildio gôl gynghrair.
Daeth y gôl gynta' wedi 11 munud cyn iddo gael cic o'r smotyn yn yr ail hanner.
Cafodd Wrecsam y gic o'r smotyn pan gafodd ergyd Andy Morell ei lawio gan John Nutter.
Aeth gôl geidwad Reading, Paul Farman i'r cyfeiriad anghywir wrth i'r bêl ganfod cefn y rhwyd.
Methodd Lincoln â thrafferthu ceidwad Wrecsam, Joslain Mayebi.
Arweinaid Morell
Dyma oedd ail fuddugoliaeth Wrecsam dros Lincoln yn y gynghrair.
Mae Wrecsam nawr wedi ennill wyth o'u 12 gêm o dan arweiniad eu chwaraewr-reolwr, Morell.
Mae'r fuddugoliaeth yn ddigon i roi Wrecsam ar frig y tabl, tri phwynt yn glir o Fleetwood.
Roedd Casnewydd ar y blaen ar yr hanner o ddwy gôl i ddim.
Ond daeth y tîm cartref yn ôl wedi'r egwyl i sicrhau gêm gyfartal.
Rhoddodd beniad Wayne Hatswell y fantais i Gasnewydd yn y funud agoriadol cyn i Nat Jarvis ymestyn y fantais.
Doedd Grimsby ddim wedi achosi pryder i geidwad Casnewydd Danny Potter tan 79 munud pan gafodd Serge Makofo gôl.
Ac fe ddaeth eu hail dri munud yn ddiweddarach wrth i Anthony Elding lwyddo gyda chic o'r smotyn ar ôl i Andrew Hughes lawio'r bêl.