Car uwchsonig yn ymweld â Wrecsam

Car uwchsonig Bloodhound
Image caption Bydd y roced fydd yn pweru'r car yn cael ei adeiladu yn Wrecsam

Mae car fydd yn ceisio torri record cyflymder y byd yn cael ei arddangos ym Mhrifysgol Glyndŵr yn Wrecsam.

Mae'r car uwchsonig, Bloodhound, yn ymweld â'r dref am ddeuddydd fel rhan o Ŵyl Gwyddoniaeth Wrecsam.

Mae'r car wedi ei gynllunio i gyrraedd cyflymder o hyd at 1,050 milltir yr awr.

Bydd y roced fydd yn pweru'r car yn cael ei adeiladu yn Wrecsam.

Unwaith i''r gwaith gael ei gwblhau bydd y car yn cael ei anfon i Dde Affrica, gyda'r nod o gyflawni cyflymder o 1,000 yn 2013.

Bu plant o ysgolion lleol yn ymweld â'r brifysgol ddydd Mercher er mwyn gweld y car.

Bydd modd i'r cyhoedd ei weld o 6.15pm, ac yna bydd darlith gyhoeddus gan gyfarwyddwr y prosiect am 7pm.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.