Gleision 38-0 Aironi

RaboDirect Pro12 Image copyright Other

Fe gafodd y Gleision fuddugoliaeth gyffyrddus wrth i gynghrair RaboDirect Pro12 ail ddechrau wedi'r bwlch am Gwpan Heineken.

Roedd disgwyl hynny gan y Gleision wrth groesawu'r tîm ar waelod y tabl - Aironi - i Stadiwm Dinas Caerdydd.

Er hynny roedd y tîm cartref yn ymddangos yn nerfus mewn hanner cyntaf o welodd 12 o bwyntiau yn unig yn cael eu sgorio - y cyfan o droed Dan Parks.

Ond daeth cais cynnar wedi'r egwyl i dawelu'r nerfau gan Casey Laulala, ac fe ddilynodd ail gan seren y gêm - Dafydd Hewitt - i roi'r Gleision ar ben ffordd.

Er gwaeth ymdrechion dewr yr ymwelwyr o'r Eidal, agorodd y llifddorau wedi'r awr.

Tom James gafodd y trydydd cais, ac fe ddaeth y pwynt bonws wrth i Marc Breeze groesi am bedwerydd.

Gyda Dan Parks yn cyfrannu 16 o bwyntiau a'r eilydd Ceri Sweeney yn ychwanegu trosiad hefyd, roedd y fuddugoliaeth o 38-0 yn gwbl haeddiannol.

Canlyniad :-

Gleision 38 - 0 Aironi

Tabl RaboDirect Pro12

Safle Gemau Enillwyd Cyfartal Pwyntiau Bonws Cyfanswm
1. GWEILCH 8 6 1 0 26
2. Leinster 8 6 0 2 26
3. GLEISION 8 5 0 5 25
4. Munster 8 5 0 3 23
5. Glasgow 6 5 0 2 22
6. Treviso 8 4 0 3 19
7. Ulster 8 4 0 1 17
8. SCARLETS 8 3 1 3 17
9. Connacht 8 3 0 3 15
10. Caeredin 8 3 0 2 14
11. DREIGIAU 7 2 0 2 10
12. Aironi 9 1 0 2 6